കുട്ടികൾക്ക് നൽകാം ഒരു ഹോം മെയ്‌ഡ് ടേസ്റ്റി ഹെൽത്തി ഡ്രിങ്ക്

ആരോഗ്യപരമായ ഭക്ഷണശീലം കുട്ടികളിൽ ഉണ്ടാക്കിയെടുക്കേണ്ടത് രക്ഷിതാക്കളുടെ ഉത്തരവാദിത്തമാണ്. അനാരോഗ്യകരമായ സോഫ്റ്റ് ഡ്രിങ്കുകൾക്കു പകരം കുട്ടികൾക്ക് നൽകാവുന്ന ഒരു ‘യമ്മി ഡ്രിങ്ക്’ കുശാഗ്ര നഗ്രത്ത് പരിചയപ്പെടുത്തുന്നു

healthy food for children,

ഫാസ്റ്റ് ഫുഡുകളുടെയും പ്രീമിക്സഡ് ഫുഡുകളുടെയും ജങ്ക് ഫുഡുകളുടെയും ലോകത്താണ് നമ്മൾ ജീവിക്കുന്നത്. പരസ്യങ്ങളുടെയും മറ്റും സ്വാധീനം കുട്ടികൾക്ക് ഇത്തരം ഫുഡുകളോടുള്ള അഡിക്ഷൻ വർധിപ്പിക്കാനും കാരണമാകുന്നുണ്ട്. ഇത്തരം പാനീയങ്ങളിൽ​ പലതിലും അനാരോഗ്യകരമായ നിരവധി കെമിക്കലുകൾ അടങ്ങിയിട്ടുണ്ട്. ഈ കെമിക്കലുകൾ പ്രത്യക്ഷവും പരോക്ഷവുമായ പലതരം ആരോഗ്യപ്രശ്നങ്ങൾ കുട്ടികളിൽ ഉണ്ടാക്കുന്നുണ്ട്. അവയിൽ പ്രധാനമാണ്, കുട്ടികളിലെ പൊണ്ണത്തടി പോലുള്ള അവസ്ഥകൾ.

കാർബൊണേറ്റഡ് ഡ്രിങ്കുകളിലും എനർജി ഡ്രിങ്കുകളിലുമെല്ലാം വലിയൊരളവിൽ കഫീനും ഷുഗറും അടങ്ങിയിട്ടുണ്ട്. ശരീരഭാരം കൂടൽ, ഹൈപ്പർ ആക്റ്റിവിറ്റി, ദന്തക്ഷയം, പല്ലു ദ്രവിക്കൽ, കഫീൻ അഡിക്ഷൻ, വിശപ്പില്ലായ്മ, ഉദരപ്രശ്നങ്ങൾ, പോഷകക്കുറവ് എന്നിവെല്ലാം ഇത്തരം പാക്കേജ്ഡ് ഫുഡുകളുടെ നിരന്തരമായ ഉപയോഗത്തിന്റെ പരിണിതഫലമായി വരാം.

കുട്ടികളുടെ വളർച്ചയ്ക്ക് അത്യാവശ്യമായ ഘടകങ്ങളാണ് വിറ്റാമിൻ, കാൽസ്യം, മഗ്നീഷ്യം, പ്രോട്ടീൻ എന്നിവ. ഇവയെല്ലാം പ്രധാനം ചെയ്യുന്ന സമീകൃതഭക്ഷണം വേണം കുട്ടികൾക്ക് നൽകാൻ. ആരോഗ്യപരമായ ഒരു ഭക്ഷണശീലം കുട്ടികളിൽ ചെറുപ്പം മുതൽ ഉണ്ടാക്കിയെടുക്കേണ്ടത് രക്ഷിതാക്കളുടെ ഉത്തരവാദിത്തമാണ്. ഒന്നു ശ്രദ്ധ വച്ചാൽ, ആരോഗ്യകരമായ ഭക്ഷണം വീടുകളിൽ തന്നെ തയ്യാറാക്കി കുട്ടികൾക്ക് നൽകാവുന്നതേയുള്ളൂ.

ഹെൽത്തി ജ്യൂസുകളും മറ്റും തയ്യാറാക്കുമ്പോൾ കുട്ടികളെ കൂടി സഹായത്തിനു വിളിക്കാം. സീസണൽ ആയി ലഭിക്കുന്ന പഴങ്ങൾ ഉപയോഗിച്ച് ജ്യൂസുകളും ഷേയ്ക്കുകളും ഉണ്ടാക്കുന്നതെങ്ങനെയെന്ന് കുട്ടികളെയും പഠിപ്പിക്കാം. വളരെ എളുപ്പം തയ്യാറാക്കാവുന്ന ‘ഡേറ്റ്സ് ഗോ ബനാന’ ഡ്രിങ്കാണ് ഇവിടെ പരിചയപ്പെടുത്തുന്നത്.

ഡേറ്റ്സ് ഗോ ബനാന റെസിപ്പി

ചേരുവകൾ
ഏത്തപ്പഴം- 1
ഈന്തപ്പഴം- 4 എണ്ണം
ടോൺഡ് പാൽ- 300 മില്ലി ഗ്രാം

തയ്യാറാക്കുന്ന രീതി

ഈന്തപ്പഴം 30 മില്ലി വെള്ളത്തിൽ കുതിർത്ത് ഒരു രാത്രി വയ്ക്കുക.
ചെറിയ കഷ്ണങ്ങളായി മുറിച്ച ഈന്തപ്പഴവും മുറിച്ച ഏത്തപ്പഴവും പാലും മൂന്നു ഐസ് ക്യൂബും ചേർത്ത് മിക്സി ജാറിലോ ബ്ലെൻഡറിലോ അടിച്ചെടുക്കുക. നന്നായി ഇളക്കി യോജിപ്പിച്ച് കുട്ടികൾക്ക് നൽകാം.

Get the latest Malayalam news and Lifestyle news here. You can also read all the Lifestyle news by following us on Twitter, Facebook and Telegram.

Web Title: Parenting nutrition kids unhealthy colas healthy juices

Next Story
Friendship day 2018: ഇന്ന് ഫ്രണ്ട്ഷിപ് ഡേ
The moderation of comments is automated and not cleared manually by malayalam.indianexpress.com