അഴകിയ പൂങ്കൊടിയായി നിഖില വിമൽ

തമിഴിലെ തൻ്റെ പുതിയ സിനിമയായ 'വാഴൈ'യുടെ വിജയത്തിൻ്റെ സന്തോഷത്തിലാണ് നിഖില വിമൽ.

സിനിമയിൽ പൂങ്കൊടി ടീച്ചറായി തിളങ്ങിയ നിഖിലയുടെ പുതിയ ഫോട്ടോഷൂട്ട് ചിത്രങ്ങൾ ഏറെ ശ്രദ്ധേയമാകുന്നു.

കോൺട്രാസ്റ്റ് കളർ കോമ്പിനേഷനിലുള്ള സാരി ലുക്കിലുള്ള ചിത്രങ്ങളാണ് താരം തൻ്റെ സോഷ്യൽ മീഡിയ പേജിൽ പങ്കുവച്ചിരിക്കുന്നത്.

പേസ്റ്റൽ നിറത്തിൽ തന്നെ ഗോൾഡൻ ചെക്കുകളും കടും ചുവപ്പ് നിറത്തിലുള്ള ബോർഡറോടും കൂടിയതാണ് സാരി. സാരിക്കിണങ്ങുന്ന വിധം പച്ചയും പിങ്കും നിറത്തിലുള്ള കല്ലുകൾ പതിപ്പിച്ച കമ്മലം ഗോഡൻ വളകളുമാണ് മാച്ചിങ് അക്സസറിയായി അണിഞ്ഞിരിക്കുന്നത്. ബൺ മാതൃകയിൽ പിറകിലേക്ക് കെട്ടി ഒതുക്കിയിരിക്കുന്ന മുടി റോസാപ്പൂക്കൾ ഉപയോഗിച്ച് സ്റ്റൈൽ ചെയ്തിരിക്കുന്നു.

ദി സാഫ്റോൺ ഹൗസിൻ്റെ സിൽക്ക് കളക്ഷനിൽ നിന്നുള്ളതാണ് നിഖില അണിഞ്ഞിരിക്കുന്ന ആ സാരി.