ഗ്രാമ്പൂ കൈയ്യിലുണ്ടോ? ഇനി തലമുടിക്ക് കേടുപാടുകളില്ലാതെ നര അകറ്റാം

രാസവസ്തുക്കളില്ലാത്ത ഉത്പന്നങ്ങൾ മുടിയിൽ ഉപയോഗിക്കുന്നത് പാർശ്വഫലങ്ങൾ കുറഞ്ഞ മെച്ചപ്പെട്ട ഫലം നൽകും. തലമുടി കൂടുതൽ സോഫ്റ്റ് ആകുന്നതിനും കേടുപാടുകളിൽ നിന്ന് സംരക്ഷിക്കാനും അവ സഹായിക്കും. അത്തരത്തിലൊന്നാണ് മൈലാഞ്ചിയില. രാസവസ്തുക്കൾ ഇല്ലാതെ സ്വാഭാവികമായി മുടി കറുപ്പിക്കാൻ ഇത് സഹായകരമാണ്.

എന്നാൽ മൈലാഞ്ചിയുടെ ഇല വെറുതെ ഉണക്കിപ്പൊടിച്ചോ അരച്ചോ ഉപയോഗിക്കുന്നതിനു പകരം മറ്റ് ചില ചേരുവകൾ കൂടി ചേർത്തുപയോഗിക്കുന്ന കൂടുതൽ ഫലപ്രദമായിരിക്കും.

ചേരുവകൾ

മൈലാഞ്ചിയില, നെല്ലിക്കപ്പൊടി, ത്രിഫല, ചൂർണ്ണം, തേയിലയും, ഗ്രാമ്പൂ, നാരങ്ങ

തയ്യാറാക്കുന്ന വിധം

മൈലാഞ്ചി ഇല വെയിലത്ത് ഉണക്കിപ്പൊടിച്ചെടുക്കാം. നെല്ലിക്കയും ഇതുപോലെ പൊടിച്ചെടുക്കാം. ഒരു പാനിൽ വെള്ളമെടുത്ത് നന്നായി തിളപ്പിക്കാം. അതിലേയ്ക്ക് തേയില കൂടി ചേർത്തു തിളപ്പിക്കാം. ശേഷം അടുപ്പണച്ച് അതിലേയ്ക്ക് മൈലാഞ്ചി ഇല പൊടിച്ചതും, നെല്ലിക്ക പൊടിച്ചതും ചേർത്തിളക്കി യോജിപ്പിച്ച് ഒരുരാത്രി മാറ്റി വയ്ക്കാം. രാവിലെ അതിലേയ്ക്ക് ഗ്രാമ്പൂ പൊടിച്ചതും നാരങ്ങാ നീരും ചേർക്കാം.

ഉപയോഗിക്കേണ്ട വിധം

എണ്ണമയമില്ലാത്ത മുടി പല ഭാഗങ്ങളായി തിരിക്കാം. ശേഷം വിരലുകളോ ബ്രെഷോ ഉപയോഗിച്ച് ഈ മിശ്രിതം മുടിയിഴകളിൽ പുരട്ടാം. 4 മണിക്കൂർ വിശ്രമിക്കാം. നന്നായി ഉണങ്ങിയതിനു ശേഷം തണുത്ത വെള്ളം ഉപയോഗിച്ച് കഴുകി കളയാം.

ഗുണങ്ങൾ

പായ്ക്കറ്റ് ഡൈകളേക്കാൾ സ്വാഭാവികമായ നിറം ഇവ നൽകും. ഇവ സെൻസിറ്റീവ് ചർമ്മമുള്ളവർക്കു പോലും അനുയോജ്യമായിരിക്കും. ആൻ്റി ഓക്സിഡൻ്റുകൾ വിറ്റാമിനുകൾ എന്നിവയുടെ സമ്പന്നമായ ഉറവിടം കൂടിയാണ് ഇവ. അതിനാൽ തലമുടിയുടെ മൊത്തത്തിലുള്ള ആരോഗ്യത്തിനും ഏറെ പിന്തുണ നൽകും.