ഇനി വിലകൊടുത്ത് ഡൈ വാങ്ങി കൂട്ടേണ്ട, ഈ ഇല ഒരുപിടി ഉപയോഗിച്ചു നോക്കൂ

നരച്ചമുടി കറുപ്പിക്കാൻ മാത്രമല്ല മുടിയുടെ ആരോഗ്യം നിലനിർത്താൻ മാസങ്ങളോളം ഉപയോഗിക്കാൻ സാധിക്കുന്ന ഒരു ഹെയർ പാക്ക് കറിവേപ്പില ഉപയോഗിച്ച് തയ്യാറാക്കാൻ സാധിക്കും.

ചേരുവകൾ

കറിവേപ്പില, മാതള നാരങ്ങ തൊലി , മൈലാഞ്ചിപ്പൊടി, നെല്ലിക്കപ്പൊടി

തയ്യാറാക്കുന്ന വിധം

കറിവേപ്പില ആവശ്യത്തിന് എടുത്ത് വെയിലത്തു വച്ച് ഉണക്കാം. ശേഷം അത് നന്നായി പൊടിച്ചെടുക്കാം. മാതള നാരങ്ങയുടെ തൊലിയും വെയിലത്തു വച്ച് നന്നായി ഉണക്കി പൊടിച്ചെടുക്കാം. ഒരു ഇരുമ്പ് ചീനച്ചട്ടി അടുപ്പിൽ വച്ച് ഈ രണ്ടു പൊടികളും അതിലേയ്ക്കു ചേർത്തിളക്കാം. അതിലേയ്ക്ക് മൈലാഞ്ചിപ്പൊടിയും നെല്ലിക്കപ്പൊടിയും ചേർത്തിളക്കാം. ശേഷം അടുപ്പണച്ച് ഒരു ദിവസം അത് ഇരുമ്പ് ചീനച്ചട്ടിൽ തന്നെ വയ്ക്കാം.

ഉപയോഗിക്കേണ്ട വിധം

ഇരുമ്പ് ചീനച്ചട്ടിയിലെ പൊടിയിലേയ്ക്ക് തേയില വെള്ളം കുറച്ചു വീതം ചേർത്തിളക്കി യോജിപ്പിക്കാം. ശേഷം മുടിയിൽ നര ഉള്ള ഇടങ്ങളിൽ പുരട്ടി 30 മിനിറ്റെങ്കിലും വിശ്രമിക്കാം. ശേഷം താളി ഉപയോഗിച്ച് മുടി കഴുകി കളയാം.

ഇക്കാര്യങ്ങൾ ശ്രദ്ധിക്കാം

ആദ്യമായി ഉപയോഗിക്കുമ്പോൾ പാച്ച് ടെസ്റ്റ് ചെയ്യാൻ മറക്കേണ്ട. അതിനായി കൈമുട്ടിൽ പുരട്ടി നോക്കാം. എന്തെങ്കിലും തരത്തിലുള്ള അസ്വസ്ഥതകൾ ഉണ്ടെങ്കിൽ വീണ്ടും ഉപയോഗിക്കാതിരിക്കുക. മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.