ഒരു വിൻ്റേജ് ഓർമ; അമ്മൂമ്മയുടെ 26 വർഷം പഴക്കമുള്ള സാരിയണിഞ്ഞ് നമിത

വളരെ ചെറുപ്പത്തിൽ തന്നെ അഭിനയ രംഗത്തെ ചുവടു വച്ച നടിയാണ് നമിത. 'വേളാങ്കണ്ണി മാതാവ്' എന്ന സീരിയലിലെ മാതാവിൻ്റെ വേഷവും, പിന്നീട് 'എൻ്റെ മാനസപുത്രി' എന്ന സീരിയലിലെ ശ്രദ്ധേയമായ കഥാപാത്രവും താരത്തെ പ്രേക്ഷകർക്ക് പ്രിയങ്കരിയാക്കി.

2011-ൽ രാജേഷ് പിള്ള സംവിധാനം ചെയ്ത 'ട്രാഫിക്' എന്ന സിനിമയിലെ ഒരു ചെറിയ വേഷത്തിലൂടെയാണ് നമിത വെള്ളിത്തിരയിൽ എത്തുന്നത്.

എന്നാൽ, 2012-ൽ സത്യൻ അന്തിക്കാട് സംവിധാനം ചെയ്ത 'പുതിയ തീരങ്ങൾ' എന്ന ചിത്രത്തിൽ നിവിൻ പോളിയുടെ നായികയായി എത്തിയതോടെ നമിത മലയാള സിനിമയിലെ മുൻനിര നായികമാരുടെ പട്ടികയിൽ ഇടം നേടി.

'സൗണ്ട് തോമ', 'പുള്ളിപ്പുലികളും ആട്ടിൻകുട്ടിയും', 'വിക്രമാദിത്യൻ', 'അമർ അക്ബർ അന്തോണി', 'അടി കപ്യാരെ കൂട്ടമണി' തുടങ്ങിയ നിരവധി സൂപ്പർഹിറ്റ് സിനിമകളിലൂടെ പ്രേക്ഷകരുടെ മനസ്സിൽ ഇടം നേടി.

ഇപ്പോഴിതാ തൻ്റെ കൂട്ടുകാരിയുടെ വളകാപ്പ് ചടങ്ങിൽ നിന്നുള്ള നമിതയുടെ ചിത്രങ്ങളാണ് ശ്രദ്ധേയമാകുന്നത്. അമ്മൂമ്മയുടെ 26 വർഷം പഴക്കമുള്ള ക്ലാസിക് ഗ്രീൻ കളർ സാരിയാണ് ചടങ്ങിനായി നമിത തിരഞ്ഞെടുത്ത്. ഈ സാരി ലുക്കിൽ നമിത എന്ത് ക്യൂട്ടാണെന്നാണ് ആരാധകർ ചിത്രങ്ങൾക്ക് കമൻ്റ് ചെയ്തിരിക്കുന്നത്.