ഉന്നൈ തേടി വരുവേൻ; അതീവ സുന്ദരിയായി നമിതയുടെ ക്ലാസിക് ഫോട്ടോഷൂട്ട്

വളരെ ചെറുപ്പത്തിൽ തന്നെ അഭിനയ രംഗത്തെ ചുവടു വച്ച നടിയാണ് നമിത. 'വേളാങ്കണ്ണി മാതാവ്' എന്ന സീരിയലിലെ മാതാവിൻ്റെ വേഷവും, പിന്നീട് 'എൻ്റെ മാനസപുത്രി' എന്ന സീരിയലിലെ ശ്രദ്ധേയമായ കഥാപാത്രവും താരത്തെ പ്രേക്ഷകർക്ക് പ്രിയങ്കരിയാക്കി.

2011-ൽ രാജേഷ് പിള്ള സംവിധാനം ചെയ്ത 'ട്രാഫിക്' എന്ന സിനിമയിലെ ഒരു ചെറിയ വേഷത്തിലൂടെയാണ് നമിത വെള്ളിത്തിരയിൽ എത്തുന്നത്.

എന്നാൽ, 2012-ൽ സത്യൻ അന്തിക്കാട് സംവിധാനം ചെയ്ത 'പുതിയ തീരങ്ങൾ' എന്ന ചിത്രത്തിൽ നിവിൻ പോളിയുടെ നായികയായി എത്തിയതോടെ നമിത മലയാള സിനിമയിലെ മുൻനിര നായികമാരുടെ പട്ടികയിൽ ഇടം നേടി.

'സൗണ്ട് തോമ', 'പുള്ളിപ്പുലികളും ആട്ടിൻകുട്ടിയും', 'വിക്രമാദിത്യൻ', 'അമർ അക്ബർ അന്തോണി', 'അടി കപ്യാരെ കൂട്ടമണി' തുടങ്ങിയ നിരവധി സൂപ്പർഹിറ്റ് സിനിമകളിലൂടെ പ്രേക്ഷകരുടെ മനസ്സിൽ ഇടം നേടി.

മലയാളത്തിനു പുറമെ തമിഴ്, തെലുങ്ക് സിനിമകളിലും നമിത സാന്നിധ്യമറിയിച്ചു. അഭിനയം കൂടാതെ ഒരു വിൻ്റേജ് കഫേയുടെ ഉടമ കൂടിയാണ് നമിത.