ആറ്റിറ്റ്യൂഡ് ലുക്കിൽ മിയ; ചിത്രങ്ങൾ

മലയാളികളുടെ പ്രിയനടിയാണ് മിയ.മകന്‍ ലൂക്കയുടെ ജനനത്തോടനുബന്ധിച്ച് സിനിമയില്‍ നിന്ന് മാറിനിന്ന മിയ വീണ്ടും അഭിനയത്തിൽ സജീവമാകുകയാണ്. അർജുൻ അശോകൻ നായകനായെത്തിയ പ്രണയവിലാസം ആണ് മിയയുടെ അവസാനമായി റിലീസിനെത്തിയ ചിത്രം.

സിനിമയിൽ മാത്രമല്ല, ടെലിവിഷൻ പരിപാടികളിലും നിറഞ്ഞുനിൽക്കുകയാണ് മിയ ഇപ്പോൾ. സീ കേരളത്തില്‍ സംപ്രേഷണം ചെയ്തിരുന്ന ' ഡ്രോമ ജൂനിയർ' എന്ന റിയാലിറ്റി ഷോയുടെ വിധികര്‍ത്താക്കളിൽ ഒരാളായിരുന്നു മിയ.

സോഷ്യൽ മീഡിയയിൽ വളരെയധികം സജീവമായ മിയ ഫൊട്ടൊഷൂട്ട് ചിത്രങ്ങൾ ധാരാളമായി പങ്കുവയ്ക്കാറുണ്ട്. ആറ്റിറ്റ്യൂഡ് ലുക്കിലുള്ള ചിത്രങ്ങളാണ് മിയ ഇപ്പോൾ ഷെയർ ചെയ്തിരിക്കുന്നത്. ബ്ലാക്ക്, പിങ്ക് എന്നീ നിറങ്ങളുള്ള വസ്ത്രം അണിഞ്ഞാണ് മിയ ചിത്രങ്ങളിൽ പ്രത്യക്ഷപ്പെടുന്നത്. ലിസ് ഡിസൈൻസ് എന്ന ബുട്ടീക്കിൽ നിന്നാണ് മിയ വസ്ത്രങ്ങൾ തിരഞ്ഞെടുത്തത്. കാഷ്വൽ വെയറെന്ന് തോന്നിപ്പിക്കുന്ന വസ്ത്രങ്ങൾ മിയ കൂടുതൽ സ്റ്റൈലിഷാക്കുന്നു.

എത്നിക്ക് വസ്ത്രങ്ങളാണ് മിയ കൂടുതലും അണിയാറുള്ളത്. അതുകൊണ്ട് തന്നെ ആരാധകർ മിയയുടെ പുതിയ ചിത്രങ്ങൾ ഏറ്റെടുത്തിരിക്കുകയാണ്.

ശ്രീകാന്ത് മോഹന്റെ സംവിധാനത്തിൽ ഒരുങ്ങുന്ന ജയ് മഹേന്ദ്രൻ ആണ് മിയയുടെ പുതിയ ചിത്രം. സൈജു കുറുപ്പ് പ്രധാന കഥാപാത്രമായി എത്തുന്ന ചിത്രത്തിന്റെ തിരക്കഥ രചിച്ചത് രാഹുൽ റിജി നായരാണ്.