പ്രേമത്തിലെ സെലിൻ ജോർജ്ജ് ഇതാ വിവാഹ വേഷത്തിൽ: ബ്രൈഡൽ ലുക്കിൽ മഡോണ

ബ്രൈഡൽ ലെഹങ്കയിലുള്ള ചിത്രങ്ങളാണ് മഡോണ തൻ്റെ ഇൻസ്റ്റഗ്രാം പേജിൽ പങ്കുവെച്ചിരിക്കുന്നത്.

വ്യത്യസ്തമായ ഫോട്ടോഷൂട്ടുകളിലൂടെ സോഷ്യൽ മീഡിയയിൽ പ്രത്യക്ഷപ്പെടാറുള്ള മഡോണയുടെ ട്രെഡീഷണൽ ലുക്ക് ആരാധകർ ഏറ്റെടുത്തു കഴിഞ്ഞു.

വിൻ്റേജ് ബ്ലോസം ബ്രൈഡൽസിൻ്റെയാണ് ഈ ലെഹങ്ക സെറ്റ്.

സ്കിൻ കളറിൽ ധാരാളം എംബ്രോയിഡറി വർക്കുകളുള്ള വി നെക്ക് ബ്ലൗസ്സും നീളം കൂടിയ പാവാടയും, നെറ്റ് മെറ്റീരിയലിലുള്ള ദുപ്പട്ടയും അടങ്ങുന്നതാണ് ലെഹങ്ക സെറ്റ്.

ദുപ്പട്ടയുടെ ബോർഡറിൽ മെറtൺ മെറ്റീരിയൽ കൂടി ചേർത്ത് സീക്വൻസും ത്രെഡും ഉപയോഗിച്ചുള്ള ഹെവി ഹാൻഡ് വർക്കുകൾ ഉണ്ട്.

മുഗൾ വധുവിനെ സ്മരിപ്പിക്കുന്ന വിധമുള്ള ആൻ്റിക് ആഭരണങ്ങളാണ് ലെഹങ്കയ്ക്കൊപ്പം മഡോണ അണിഞ്ഞിരിക്കുന്നത്.

ബ്ലിസ് ബ്രൈഡൽ കളക്ഷൻ്റേതാണ് മെറൂൺ, വൈറ്റ്, ഗോൾഡൻ കല്ലുകൾ കൊണ്ടുള്ള മാച്ചിങ് ആഭരണങ്ങൾ.

വളരെ ലൈറ്റായിട്ടുള്ള മേക്കപ്പാണ് ഈ ബ്രൈഡൽ ലുക്കിനായി തിരഞ്ഞെടുത്തിരിക്കുന്നത്.

ന്യൂഡ് ഷെയ്ഡുകൾക്കാണ് മേക്കപ്പിൽ പ്രാധാന്യം കൊടുത്തിരിക്കുന്നത്.

രാജകുമാരിയെപ്പോലെ ഉണ്ട്, സ്റ്റണിങ് ലുക്ക്, സുന്ദരിയായിട്ടുണ്ട് എന്നിങ്ങനെ ആരാധകർ ധാരാളം കമൻ്റുകളാണ് പങ്കുവെച്ചിരിക്കുന്നത്.