മതിൽക്കെട്ടിൽ നിറങ്ങൾ കൊണ്ട് വസന്തം തീർക്കാൻ ലന്താനകൾ

ചെറുതും ഒരുമിച്ചു വിടരുന്നതുമായ പൂക്കളുടെ കൂട്ടങ്ങളാൽ നിറഞ്ഞുനിൽക്കുന്ന ഒരു ചെടിയാണ് ലന്താന. നാട്ടിൻപുറങ്ങളിൽ കൊങ്ങിണി പൂ, അരിപ്പൂച്ചെടി എന്നിങ്ങനെ ഇവയ്ക്ക് വിളിപ്പേരുണ്ട്.

വെർബനേസിയ കുടുംബത്തിൽപ്പെട്ട ഈ ചെടിയുടെ ജനുസ്സിൽ 150-ലധികം ഇനങ്ങളുണ്ട്.

പൂക്കൾ തന്നെയാണ് ഈ ചെടിയുടെ ഏറ്റവും വലിയ പ്രത്യേകത. വ്യത്യസ്ത നിറങ്ങളിൽ പൂക്കളുള്ള ലന്താനകൾ ഒരുമിച്ചു നട്ടുവളർത്തുന്നത് കണ്ണിന് കുളിർമയുള്ള കാഴ്ചയാണ്.

മതിലുകളിലും, ഹാംഗിങ് മാതൃകയിൽ സിറ്റൗട്ടിലും വളർത്താവുന്ന ഒരു അലങ്കാര ചെടി കൂടിയാണിത്.

വളരെയധികം പ്രതിരോധശേഷിയുള്ള സസ്യമാണിത്. വളരെ കുറച്ച് വെള്ളം മാത്രമാണ് ആവശ്യം.

ചിത്രശലഭങ്ങളെയും തേനീച്ചകളെയും ആകർഷിക്കാൻ ഇവയുടെ പൂക്കൾക്കു കഴിയും.