scorecardresearch
Latest News

Janmashtami 2019 Wishes: കൃഷ്ണ നാമ ജപത്തോടൊപ്പം ശ്രീകൃഷ്ണ ജയന്തി ആശംസകളും കൈമാറാം

Happy Janmashtami 2019 Wishes, Quotes, Messages: ഇഷ്ടകാര്യ സിദ്ധിക്ക് കൃഷ്ണനാമം ജപിക്കുന്നത് അത്യുത്തമമാണ്

Janmashtami 2019 Wishes: കൃഷ്ണ നാമ ജപത്തോടൊപ്പം ശ്രീകൃഷ്ണ ജയന്തി ആശംസകളും കൈമാറാം

Happy Janmashtami 2019 Wishes, Messages, SMS: കൃഷ്ണഭക്തർക്ക് വിശേഷാൽ ദിവസമാണ് ശ്രീകൃഷ്ണ ജയന്തി. ശ്രീകൃഷ്ണന്റെ ജന്മദിനമാണ് ശ്രീകൃഷ്ണ ജയന്തി. ഇന്നേ ദിവസം ക്ഷേത്രങ്ങളിൽ വിശേഷാൽ പൂജകൾ നടക്കും. വിശ്വാസികൾ ഈ ദിവസത്തിൽ വ്രതമെടുത്ത് ഭഗവൽ മന്ത്രങ്ങൾ ജപിക്കും. ഇഷ്ടകാര്യ സിദ്ധിക്ക് കൃഷ്ണനാമം ജപിക്കുന്നത് അത്യുത്തമമാണ്

ശ്രീകൃഷ്ണ ജയന്തി ബാലദിനമായാണ് ബാലഗോകുലം ആചരിക്കുന്നത്. ബാലഗോകുലത്തിന്റെ നേതൃത്വത്തില്‍ കേരളത്തിന്റെ പല ഭാഗത്തും ശോഭായാത്രകള്‍ നടക്കും. ജന്മാഷ്ടമി ആഘോഷങ്ങളില്‍ പ്രധാനമാണ് ഉറിയടി. കേരളത്തിലെ പ്രധാന കൃഷ്ണ ക്ഷേത്രമായ ഗുരുവായൂരമ്പലത്തില്‍ ഗംഭീരമായ ആഘോഷങ്ങളാണ് ഇന്നേ ദിവസം നടക്കുക.

Read Here: Krishna Janmashtami Date 2019: ശ്രീകൃഷ്ണ ജയന്തി, കൃഷ്ണനാമം ജപിച്ചാൽ ആഗ്രഹസാഫല്യം

ചിങ്ങമാസത്തിലെ അഷ്ടമിയും രോഹിണിയും ചേര്‍ന്ന ദിവസമാണ് അഷ്ടമി രോഹിണി. മഹാവിഷ്ണുവിന്റെ എട്ടാമത്തെ അവതാരമായ ശ്രീകൃഷ്ണന്റെ ജന്മദിവസമാണ് ശ്രീകൃഷ്ണ ജയന്തിയായി ഹിന്ദുക്കൾ ആഘോഷിക്കുന്നത്. കൃഷ്ണാഷ്ടമി,ജന്മാഷ്ടമി, അഷ്ടമി രോഹിണി എന്നീ വിവിധ പേരുകളിൽ ആഘോഷം അറിയപ്പെടുന്നു. പ്രാദേശിക അടിസ്ഥാനത്തിൽ ശ്രീകൃഷ്ണ ജയന്തി ദിനം മാറാറുണ്ട്. ഈ വർഷം ഓഗസ്റ്റ് 24 (ശനി) നാണ് രാജ്യത്ത് ഒട്ടുമിക്ക ഇടങ്ങളിലും ആഘോഷം. പക്ഷേ കേരളത്തിൽ ഓഗസ്റ്റ് 23 (വെളളി) നാണ് ശ്രീകൃഷ്ണ ജയന്തി.

അഷ്ടമിരോഹിണി ദിവസം അര്‍ധരാത്രി കഴിയുന്നതുവരെ ഉറങ്ങാതെ കൃഷ്ണഭജനം ചെയ്തിരുന്നാല്‍ ഭഗവാൻ കൃഷ്ണന്റെ അനുഗ്രഹം ഉണ്ടാകുമെന്നാണു വിശ്വാസം. ഈ ദിനത്തിൽ കഴിയാവുന്നത്ര തവണ ഭഗവാന്റെ മൂലമന്ത്രങ്ങൾ ജപിക്കുന്നത് അത്യുത്തമമാണ്. (‘ഓം നമോ നാരായണായ’ എന്ന അഷ്‌ടാക്ഷരമന്ത്രവും ‘ഓം നമോ ഭഗവതേ വാസുദേവായ’ എന്ന ദ്വാദശാക്ഷര മന്ത്രവുമാണ് മൂലമന്ത്രങ്ങള്‍). ഈ ദിവസം വിഷ്ണു സഹസ്രനാമം , ഹരിനാമകീർത്തനം , ഭഗവദ്ഗീത, നാരായണീയം എന്നിവ പാരായണം ചെയ്യുന്നതും നല്ലതാണ്.

ശ്രീകൃഷ്ണ ജയന്തി ദിനത്തിൽ പ്രിയപ്പെട്ടവർക്ക് കൃഷ്ണ ഭഗവാന്റെ അനുഗ്രഹത്തിനായി നമുക്കും പ്രാർഥിക്കാം. പ്രാർഥനയ്ക്കൊപ്പം ശ്രീകൃഷ്ണ ജയന്തി ആശംസകളും കൈമാറാം.








Stay updated with the latest news headlines and all the latest Lifestyle news download Indian Express Malayalam App.

Web Title: Krishna janmashtami 2019 wishes