ക്ലാസിക് ഹോളിവുഡ് ലുക്കിൽ കാൻ വേദിയിൽ കിയാര അദ്വാനി

ക്ലാസിക് ഹോളിവുഡ് ഗ്ലാമർ ലുക്കിലാണ് കിയാര അദ്വാനി കാൻ കാർപ്പെറ്റിൽ എത്തിയത്. നെഡ്രെറ്റ് ടാസിറോഗ്ലു എന്ന ലക്ഷ്വറി ഡിസൈനറുടേതാണ് കിയാരയുടെ ബ്ലാക്കിലും പിങ്കിലുമുള്ള ഗൗൺ.

വളരെ മൃദുവായ സാറ്റിൻ മെറ്റീരിയലിൽ ഉള്ള ഗൗണിൽ കോർസെറ്റ് മോഡലും നൽകിയിരിക്കുന്നു.

ഓഫ് ഷോൾഡോർ ആയിട്ടുള്ള നെക്ക് ലൈനും ബ്ലാക്ക് നെറ്റ് മെറ്റീരിയലിൽ നീണ്ട ഹാൻഡ് ഗ്ലൌസുകളോടും കൂടിയാണ് ഈ ഔട്ട്ഫിറ്റ് ഡിസൈൻ ചെയ്തിരിക്കുന്നത്.

സാറ്റിൻ പിങ്ക് കോർസെറ്റ് ലുക്കിൻ്റെ താഴത്തെ ഭാഗം ബ്ലാക്ക് വെൽവെറ്റിലുള്ള ഫിഷ് ടെയ്ൽ മാതൃകയിലാണ് കൊടുത്തിരിക്കുന്നത്.

സ്റ്റോൺ ഫിനിഷിങ്ങിലുള്ള നെക്ലൈസും മോതിരവുമാണ് ഔട്ട്ഫിറ്റിന് മാച്ചിങ് അക്സസറിസായി തിരഞ്ഞെടുത്തിരിക്കുന്നത്.

പിങ്ക് സാറ്റിനിലുള്ള വലിയൊരു ബൗ കൂടി ഗൗണിൻ്റെ പിറകിൽ നൽകിയിരിക്കുന്നു.

ഹൈ ബൺ ഹെയറും ന്യൂഡ് പിങ്ക് ഷെയ്ഡിലുമുള്ള മേക്കപ്പുമാണ് നൽകിയിരിക്കുന്നത്. ഐവറി ഔട്ട്ഫിറ്റിലുള്ള കിയാരയുടെ ആദ്യത്തെ ലുക്ക് ആരാധകർ ഏറ്റെടുത്തിരുന്നു.

ലക്ഷ്മി ലെഹർ, എൽസ് ഛത്രി എന്നിവരാണ് കിയാരയുടെ ഈ ലുക്കും സ്റ്റൈൽ ചെയ്തിരിക്കുന്നത്. ലേഖ ഗുപ്ത മേക്കപ്പും, പ്രിയങ്ക എസ് ബോർക്കർ ഹെയർ സെറ്റിങ്ങും നിർവഹിച്ചിരിക്കുന്നു.