അമ്പതുകളിലും ലോല സ്റ്റൈലിഷാണ്; ശ്രദ്ധേയമായി കരിഷ്മയുടെ ഫോട്ടോഷൂട്ട്

ബോളിവുഡ് സിനിമാ ലോകത്ത് തൊണ്ണൂറുകളിലെ സൂപ്പർ നായികമാരുടെ പട്ടികയിൽ മുൻനിരയിലുള്ള പേരാണ് കരിഷ്മ കപൂർ.

'ലോലോ' എന്ന് സ്നേഹത്തോടെ വിളിക്കപ്പെടുന്ന കരിഷ്മ കപൂർ ഇന്നും എനർജറ്റിക്കാണ്.

'പ്രേം ഖൈദി' എന്ന ചിത്രത്തിലൂടെയാണ് കരിഷ്മ തന്റെ കരിയർ ആരംഭിച്ചത്. അക്കാലത്ത് കപൂർ കുടുംബത്തിലെ പെൺകുട്ടികൾ സിനിമയിൽ അഭിനയിക്കുന്ന പതിവില്ലായിരുന്നു.

തുടക്കകാലത്ത് നിരവധി വെല്ലുവിളികൾ നേരിട്ടെങ്കിലും കഠിനാധ്വാനത്തിലൂടെ താരം വിജയങ്ങൾ കീഴടക്കി. ഗോവിന്ദയോടൊപ്പം കരിഷ്മ ചെയ്ത കോമഡി ചിത്രങ്ങൾ ഇന്നും പ്രേക്ഷകർക്ക് പ്രിയപ്പെട്ടതാണ്. 'രാജാ ഹിന്ദുസ്താനി' എന്ന ചിത്രം കരിഷ്മയുടെ കരിയറിലെ ഏറ്റവും വലിയ വഴിത്തിരിവായി.

അഭിനയത്തിൽ സജീവമല്ലെങ്കിലും ടെലിവിഷൻ പ്രോഗ്രാമുകളിൽ ജഡ്ജായി ഇന്നും ആരാധകർക്കു മുമ്പിൽ കരീഷ്മ എത്താറുണ്ട്.