കല്യാണി ധരിച്ച നീല ഓർഗാൻസ സാരിയുടെ വിലയറിയാമോ?

സോഷ്യൽ മീഡിയയിൽ വളരെയധികം സജീവമായ താരമാണ് കല്യാണി പ്രിയദർശൻ. താരം ഇടയ്ക്ക് ഡിസൈനൽ വസ്ത്രങ്ങളണിഞ്ഞുള്ള ഫൊട്ടൊഷൂട്ട് ചിത്രങ്ങളും പങ്കുവയ്ക്കാറുണ്ട്. കൂടുതലായും എത്നിക്ക് വസ്ത്രങ്ങൾ ധരിച്ചുള്ള ചിത്രങ്ങളാണ് കല്യാണി ഷെയർ ചെയ്യാറുള്ളത്. തനിക്ക് പ്രിയം എത്നിക്ക് വസ്ത്രങ്ങളോടാണെന്ന് കല്യാണി ഒരിക്കൽ അഭിമുഖത്തിൽ പറഞ്ഞിരുന്നു.

സൽവാർ, ലെഹങ്ക, സാരി അങ്ങനെ ഏതു തരത്തിലുള്ള എത്നിക്ക് ലുക്കിലും കല്യാണി മനോഹരിയാണ്. കഴിഞ്ഞ ദിവസം സാരി അണിഞ്ഞുള്ള ചിത്രങ്ങൾ കല്യാണി പങ്കുവച്ചിരുന്നു. ചിത്രങ്ങൾ അതിവേഗമാണ് ആരാധകർ ഏറ്റെടുത്തത്. തന്റെ പുതിയ ചിത്രമായ 'ജീനി'യുടെ പൂജയ്ക്കായി എത്തിയപ്പോൾ കല്യാണി അണിഞ്ഞ സാരിയാണ് ശ്രദ്ധ നേടുന്നത്.

ഡീപ്പ് തീ എന്ന സൈറ്റിൽ നിന്നാണ് കല്യാണി സാരി തിരഞ്ഞെടുത്തത്. സമ്മർ കളക്ഷൻസിലുള്ള ലവ് നോട്ട് സീരിൽ ഉൾപ്പെട്ട സാരിയാണിത്. ഓർഗാൻസ മെറ്റീരിയലിൽ വളരെ മിനിമലായ ഡിസൈനാണ് നിറഞ്ഞിരിക്കുന്നത്. ലൈറ്റ് ബ്ലൂ നിറം കല്യാണിയെ കൂടുതൽ മനോഹരിയാക്കുന്നു. ജാക്കറ്റ് സാരിയ്‌ക്കൊപ്പം തന്നെ സെറ്റായി ലഭിക്കും. 38,800 രൂപയാണ് സാരിയുടെ വില.

മനു സി കുമാറിന്റെ സംവിധാനത്തിൽ ഒരുങ്ങുന്ന 'ശേഷം മൈക്കിൽ ഫാത്തിമ'യാണ് കല്യാണിയുടെ പുതിയ ചിത്രം. ടൈറ്റിൽ കഥാപാത്രത്തെയാണ് ചിത്രത്തിൽ കല്യാണി അവതരിപ്പികുന്നത്. സുദൻ സുന്ദരം, ജഗദീഷ് പളനിസാമി എന്നിവർ ചേർന്നാണ് നിർമാണം. ഹെഷാം അബ്ദുൾ വഹാബാണ് ചിത്രത്തിലെ ഗാനങ്ങൾക്ക് സംഗീതം പകരുന്നത്.