ക്രിക്കറ്റ് പിച്ച് സാരി; വീണ്ടും ട്രെൻഡിങ്ങായി ജാൻവി സ്റ്റൈൽ

സിനിമയുടെ പ്രമോഷനു വേണ്ടി വ്യത്യസ്തമായ ഫാഷൻ​ പരീക്ഷണങ്ങളുമായി തിരക്കിലാണ് ജാൻവി കപൂർ.

ഗ്രീൻ കളറിലുള്ള സാരിയിൽ സ്റ്റൈലിഷ് ലുക്കിലുള്ള ജാൻവിയുടെ ചിത്രങ്ങൾ പങ്കുവെച്ചിരിക്കുന്നത് സ്റ്റൈലിസ്റ്റായ ആമി പട്ടേലാണ്.

മനീഷ് മൽഹോത്ര കളക്ഷനിൽ നിന്നുള്ള സാരിയാണിത്.

സാരിയുടെ ബ്ലൗസാണ് ഹൈലൈറ്റ്. ക്രിക്കറ്റ് ഗ്രൗണ്ടിനെ അനുസ്മരിപ്പിക്കുന്ന വിധത്തിലുള്ള പച്ചയും വെള്ളയും കളറുകളുടെ കോമ്പിനേഷനാണ് ഇതിൻ്റെ പ്രത്യേകത. സീക്വൻസ് വർക്കുകളിലാണ് ഇത് പൂർത്തിയാക്കിയിരിക്കുന്നത്.

സാരിയുടെ ബോർഡറിലും സിൽവർ സീക്വൻസ് കൊടുത്തിരിക്കുന്നു.

താരാ ഫൈൻ ജ്യൂവലറിയുടെ ഡയമണ്ട് കമ്മലുകളും, ജെറ്റ് ജംസ്, ഡയോസാ പാരീസ് എന്നിവരുടെ മോതിരങ്ങളുമാണ് അക്സസറിയായി തിരഞ്ഞെടുത്തിരിക്കുന്നത്.

ന്യൂഡ് ലിപ്സ്റ്റിക്കും, ഐഷാഡോയും ഉൾപ്പെടെ വളരെ സംപിൾ ലൈറ്റ് മേക്കപ്പിലാണ് താരം ചിത്രത്തിൽ. മേയ് 31 ന് ആണ് ജാൻവിയുടെ 'മിസ്റ്റർ ആൻഡ് മിസിസ് മാഹി' സിനിമയുടെ റിലീസ്.