കാൻ മാജിക്കിൽ മതിമറന്ന് ജാക്വിലിൻ ഫെർണാണ്ടസ്

ബോളിവുഡ് താരം ജാക്വിലിൻ്റെ ആദ്യത്തെ കാൻ റെഡ്കാർപ്പെറ്റാണിത്.

കാനിലെ മാർട്ടിനോസ് ഹോട്ടലിനു മുൻമ്പിൽ നിന്നുള്ള ഏതാനും ചിത്രങ്ങളാണ് താരമിപ്പോൾ തൻ്റെ ഇൻസ്റ്റഗ്രാം പേജിലൂടെ പങ്കുവെച്ചിരിക്കുന്നത്.

ചിത്രത്തിൽ വൈറ്റ് നെറ്റ് മെറ്റീരിയലുള്ള ഔട്ട്ഫിറ്റാണ് ജാക്വിലിൻ ധരിച്ചിരിക്കുന്നത്.

കട്ടികുറഞ്ഞ നെറ്റ് മെറ്റീരിയലിൽ ഫ്ലവർ വർക്കുകളും കാണാം.

ഓപ്പൺ ഷോൾഡർ നൽകിയാണ് ഔട്ട്ഫിറ്റ് ഡിസൈൻ ചെയ്തിരിക്കുന്നത്. പവിഴവും വെള്ള കല്ലുകളും കൊണ്ടുള്ള വർക്കുകളും ഉണ്ട്.

ഡയമണ്ട് മാലയും മോതിരവുമാണ് വസ്ത്രത്തിനു മാച്ചിങ്ങായി തിരഞ്ഞെടുത്തിരിക്കുന്നത്. ഹൈബൺ രീതിയിൽ തലമുടി സ്റ്റൈൽ ചെയ്തിരിക്കുന്നു. വളരെ ലൈറ്റായിട്ടുള്ള ന്യൂഡ് മേക്കപ്പാണ് തിരഞ്ഞെടുത്തിരിക്കുന്നത്.

'കാനിൻ്റെ മാന്ത്രികതയിലും, സിനിമകളിലും, സൂര്യനിലും കുതിർന്ന്' എന്ന ക്യാപ്ഷനോടെയാണു ചിത്രങ്ങൾ തൻ്റെ ഇൻസ്റ്റഗ്രാം പേജിൽ താരം പങ്കുവെച്ചിരിക്കുന്നത്.