ലോകത്ത് ഏറ്റവുമധികം ആരാധകരുള്ള ഹോളിവുഡ് നായികമാരിലൊരാളാണ് ആഞ്ചലീന ജോളി. നടിയെന്നതിനുപരി മനുഷ്യാവകാശ പ്രവർത്തക കൂടിയാണ് ഇവർ. സൗന്ദര്യം തുടിക്കുന്ന ജോളിയെ പോലെ ആകാൻ ഏത് സ്ത്രീയാണ് ആഗ്രഹിക്കാത്തത്. അത്തരത്തിലൊരു ആഗ്രഹമാണ് 19കാരിയ ഇറാനി പെണ്‍കുട്ടി സഹര്‍ തബറിനെ ഈ ദുരവസ്ഥയില്‍ കൊണ്ടെത്തിച്ചത്.

ആഞ്ചലീനയെ പോലെയാകാന്‍ 50 ശസ്ത്രക്രിയ നടത്തിയ പെണ്‍കുട്ടി ഇപ്പോള്‍ അസ്തികൂടം പോലെയാണ് കാഴ്ച്ചയില്‍ തോന്നിപ്പിക്കുന്നത്. 2005ല്‍ പുറത്തിറങ്ങിയ ബ്രിട്ടീഷ്-അമേരിക്കന്‍ സ്റ്റോപ് മോഷന്‍ ആനിമേറ്റഡ് മ്യൂസിക്കല്‍ ഫാന്റസി ഫിലിം കോര്‍പ്‌സ് ബ്രൈഡിലെ കാര്‍ട്ടൂണ്‍ കഥാപാത്രത്തിന്റെ ലുക്കാണ് ഇപ്പോള്‍ ഈ പെണ്‍കുട്ടിക്ക് എന്നാണ് സോഷ്യൽ മീഡിയ പറയുന്നത്.

40 കിലോ ശരീരഭാരം നിലനിര്‍ത്താന്‍ മാസങ്ങള്‍ നീണ്ട ഡയറ്റാണ് ഈ പെണ്‍കുട്ടി പിന്തുടര്‍ന്നത്. ഇന്‍സ്റ്റഗ്രാമില്‍ ഇവര്‍ ഇപ്പോള്‍ സ്ഥിരമായി ചിത്രങ്ങള്‍ പോസ്റ്റ് ചെയ്യാറുണ്ട്. രണ്ടര ലക്ഷത്തില്‍ അധികം ഫോളോവേഴ്‌സും ഇവര്‍ക്ക് ഇന്‍സ്റ്റഗ്രാമിലുണ്ട്.

Get all the Latest Malayalam News and Kerala News at Indian Express Malayalam. You can also catch all the Malayalam Lifestyle News by following us on Twitter and Facebook