ഒരു മുറി ഉരുളക്കിഴങ്ങ് ഉണ്ടെങ്കിൽ ഞൊടിയിടയിൽ മുഖം തിളങ്ങും, ഇങ്ങനെ ചെയ്തു നോക്കൂ

പ്രായം കൂടും തോറും ചർമ്മാരോഗ്യത്തിനും വ്യത്യാസം വരും. ഒപ്പം കാലാവസ്ഥയും ജീവിത ശൈലിയും വില്ലനാകാറുണ്ട്. ടാൻ, കറുത്ത പാടകുൾ, ചുളിവുകൾ എന്നിവയാണ് ഇതിൻ്റെ ഫലം. ഇവ കുറയ്ക്കാൻ ബ്ലീച്ചും ഫേഷ്യലുകളും ലഭ്യമാണ്. എന്നാൽ അവ ചെയ്തു സമയം കളയാതെ പ്രകൃതിദത്തമായ മാർഗങ്ങൾ പരീക്ഷിച്ചു നോക്കൂ. ഉരുളക്കിഴങ്ങ് ഒരു മികച്ച ബ്ലീച്ചിങ് ഏജൻ്റാണ്. ടാൻ മുതൽ മുഖക്കുരുവിനു വരെയുള്ള മികച്ച പരിഹാരമാണത്.

Also Read: വരണ്ട ചർമ്മമാണോ? എങ്കിൽ ദിവസവും കിടക്കുന്നതിനു മുമ്പ് ഇത് പുരട്ടൂ 

ഉരുളക്കിഴങ്ങ് നീര്

ഒരു ഉരുളക്കിഴങ്ങ് തൊലി കളഞ്ഞ് കഴുകി വൃത്തിയാക്കിയശേഷം നന്നായി അരച്ചെടുക്കുക. ഇത് കുറച്ച് സമയത്തേക്ക് മാറ്റിവയ്ക്കുക. അതിനുശേഷം ഇതിൽനിന്നും വെള്ളം വേർതിരിച്ചെടുക്കുക. ഇത് ഫ്രിഡ്ജിൽ സൂക്ഷിച്ച് മുഖത്ത് ദിവസവും പുരട്ടുന്നത് വളരെ നല്ലതാണ്. വെള്ളം മാറ്റിയശേഷം കിട്ടുന്ന ഉരുളക്കിഴങ്ങിലേക്ക് ഇരട്ടി മധുരത്തിന്റെ പൊടിയും മസൂർ ദാൽ പൊടിയും ഉരുളക്കിഴങ്ങ് ജ്യൂസും ചേർത്ത് പേസ്റ്റ് രൂപത്തിലാക്കുക. ഇത് മുഖത്തും കഴുത്തിലും പുരട്ടുക. ഉണങ്ങിയശേഷം കഴുകി കളയുക. ആഴ്ചയിൽ മൂന്നു തവണയെങ്കിലും ചെയ്യുക.

ഉരുളക്കിഴങ്ങ് നാരങ്ങാ സ്ക്രബ്

ഉരുളക്കിഴങ്ങ് ഗ്രേറ്റ് ചെയ്തതിലേയ്ക്ക് ഏതാനും തുള്ളി നാരങ്ങാ നീര് ചേർത്തിളക്കി യോജിപ്പിക്കാം. ഇത് മുഖത്ത് പുരട്ടി മൃദുവായി മസാജ് ചെയ്യാം. 10 മിനിറ്റിനു ശേഷം കഴുകി കളയാം. നാരങ്ങ ഒരു പ്രകൃതദത്ത ബ്ലീച്ചിങ് ഏജൻ്റാണ്.

Also Read: വെറുതെ കളയരുതേ... പപ്പായ തൊലി ഉണ്ടെങ്കിൽ​ ഇനി തിളക്കമുള്ള ചർമ്മം ഒറ്റ ഉപയോഗത്തിൽ സ്വന്തമാക്കാം

ഉരുളക്കിഴങ്ങ് മഞ്ഞൾപ്പൊടി ഫെയ്സ്മാസ്ക്

ഉരുളക്കിഴങ്ങ് ഗ്രേറ്റ് ചെയ്തെടുക്കാം. അതിലേയ്ക്ക് ഒരു നുള്ള് മഞ്ഞൾപ്പൊടി ചേർത്തിളക്കി യോജിപ്പിക്കാം. ഇത് ടാൻ ഉള്ള ഭാഗങ്ങളിൽ പുരട്ടി 15 മിനിറ്റ് വിശ്രമിക്കാം. ശേഷം തണുത്ത വെള്ളത്തിൽ കഴുകി കളയാം. ഇത് ടാൻ നീക്കം ചെയ്യാൻ സഹായിക്കും.

Also Read: ആഘോഷങ്ങളിൽ തിളങ്ങാൻ പാർലറിൽ പോകേണ്ട, വീട്ടിൽ തയ്യാറാക്കാം ഫെയ്സ് ബ്ലീച്ച്

ഉരുളക്കിഴങ്ങ് തേൻ തൈര്

ഉരുളക്കിഴങ്ങ് തൊലി കളഞ്ഞ് നന്നായി അരച്ചെടുക്കാം. ഇതിലേയ്ക്ക് തേനും തൈരും ചേർത്തിളക്കി യോജിപ്പിക്കാം. വൃത്തിയായി കഴുകിയ മുഖത്ത് ഈ മിശ്രിതം പുരട്ടി 15 മിനിറ്റിനു ശേഷം തണുത്ത വെള്ളത്തിൽ കഴുകി കളയാം. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: ഒറ്റ രാത്രി കൊണ്ട് സോഫ്റ്റും തിളക്കമുള്ളതുമായ ചർമ്മം നേടാം, ഉറങ്ങുന്നതിനു മുമ്പ് ഈ കൊറിയൻ ഫെയ്സ്മാസ്ക് പുരട്ടൂ