പഴത്തൊലി സൂക്ഷിച്ചു വച്ചോളൂ, ഇനി അടുക്കളത്തോട്ടത്തിന് മറ്റ് രാസവളങ്ങൾ വേണ്ട

സ്ഥിരമായി ഉപയോഗിക്കുന്ന രാസവളങ്ങൾ മണ്ണിൻ്റെ അസന്തുലിതാവസ്ഥയ്ക്ക് കാരണമാകും. കൂടാതെ മണ്ണിലെ സൂക്ഷമാണുക്കളെ ഇഥ് ദോഷകരമായി ബാധിക്കും. എന്നാൽ പഴത്തൊലി തികച്ചും പരിസ്ഥിതി സൗഹാർദപരമായ വളമാണ്.

പൂന്തോട്ടത്തിലും അടുക്കളത്തോട്ടത്തിലും ഇത് ഉപയോഗിക്കാവുന്നതാണ്. പഴത്തൊലിയിൽ ധാരാളം പൊട്ടാസ്യം അടങ്ങിയിട്ടുണ്ട്. ഒപ്പം ഇതിലം ഫോസ്ഫറസ് ചെടികൾ നന്നായി കായ്ക്കുന്നതിന് സഹായിക്കും.

നാല് മുതൽ ആറ് ആഴ്ച കൂടുമ്പോൾ ഇത് ഉപയോഗിക്കുന്നത് ചെടികൾക്ക് നല്ലതാണ്. എന്നാൽ ചെടിയുടെ വലിപ്പവും പ്രകൃതവുമനുസരിച്ച് ഇതിൽ മാറ്റം കൊണ്ടുവരാം.

പുളിപ്പിച്ച കഞ്ഞിവെള്ളത്തിൽ പഴത്തൊലി കുതിർത്തു വയ്ക്കാം. ഇതിലേയ്ക്ക് മറ്റ് അടുക്കള മാലിന്യങ്ങളും ചേർക്കാവുന്നതാണ്. ഇത് ചെടിയുടെ ചുവട്ടിൽ ഒഴിച്ചു കൊടുക്കാം.

പഴത്തൊലികൾ ഇത്തരത്തിൽ ഉപയോഗിക്കുന്നത് സുസ്ഥിരവും മാലിന്യ നിർമാർജനത്തിനും നല്ലൊരു പരിഹാരമാണ്.