ഒറ്റക്കാഴ്ചയിൽ ഒരുകൂട്ടം രോമം നടന്നു വരുന്നതു പോലെ തോന്നും, ഈ നായയെ കുറിച്ച് നിങ്ങൾക്ക് അറിയാമോ?

ഭീമൻ വാക്കിംഗ് മോപ്പിനോട് സാമ്യം തോന്നുന്ന ഒരു നായയെ എപ്പോഴെങ്കിലും കണ്ടാൽ നിങ്ങൾ ഒരു കൊമോണ്ടോറിനെയാണ് കണ്ടുമുട്ടിയിരിക്കുന്നത് എന്ന് ഇനി ഓർത്തോളൂ.

ഹംഗറിയിൽ നിന്നുള്ള ഒരു ഇനം നായയാണ് ഇത്. ഡ്രെഡ് ലോക്കുകളോട് സാമ്യം തോന്നുന്ന കയറു പോലുള്ള രോമങ്ങളാണ് ഇതിൻ്റെ ഏറ്റവും വലിയ പ്രത്യേകത.

പരമ്പരാഗതമായി കന്നുകാലികളെ സംരക്ഷിക്കാനാണ് ഈ ഇനം നായകളെ ഉപയോഗിച്ചിരുന്നത്. കട്ടിയുള്ള രോമം ഏത് കഠിനമായ കാലാവസ്ഥയിലും അവയ്ക്കു സംരക്ഷണം നൽകും.

വളരെ മൃദുവായ രോമങ്ങളോടു കൂടിയാണ് ഇവ ജനിക്കുന്നത്. അവ വളർുന്നു വരുമ്പോൾ, ഏകദേശം 8 മുതൽ 12മാസം ആകുമ്പോഴേയ്ക്കും കെട്ടുപിണഞ്ഞ ചരടുകൾ പോലെയായി മാറും.

രോമാവൃതമായ ഈ രൂപം ഒഴിച്ചാൽ ഇവ വളരെ ശാന്തരും, ബുദ്ധിമാന്മാരും, വിശ്വസ്തരുമാണ്.

കട്ടിയേറിയ രോമകൂപങ്ങൾക്ക് ശരിയായ പരിചരണം ആവശ്യമാണ്. അവ വൃത്തിയായി കഴുകി ഉണക്കി പരിപാലിക്കേണ്ടതുണ്ട്.