വാഷിംഗ് മെഷീനിലെ ദുർഗന്ധം മാറുന്നില്ലേ? ഈ ഒരു പൊടിക്കൈ പരീക്ഷിക്കൂ

ഓരോ വീട്ടിലെയും ഒഴിച്ചുകൂടാനാവാത്ത ഉപകരണമായി വാഷിംഗ് മെഷീൻ മാറിയിരിക്കുന്നു. ജോലികൾ വേഗത്തിലാക്കാനും അധ്വാനം കുറയ്ക്കാനും സഹായിക്കുന്ന ഈ യന്ത്രം ഇന്ന് ഗ്രാമനഗര വ്യത്യാസമില്ലാതെ എല്ലാവരും ഉപയോഗിക്കുന്നുണ്ട്. എന്നാൽ, തുണികൾ വൃത്തിയാക്കാൻ നാം കാണിക്കുന്ന താല്പര്യം പലപ്പോഴും വാഷിംഗ് മെഷീൻ വൃത്തിയാക്കുന്ന കാര്യത്തിൽ കാണിക്കാറില്ല.

തുടർച്ചയായ ഉപയോഗം മൂലവും ഗുണനിലവാരമില്ലാത്ത വെള്ളവും ഡിറ്റർജന്റും ഉപയോഗിക്കുന്നത് കാരണവും മെഷീനിനുള്ളിൽ അഴുക്കും ബാക്ടീരിയകളും അടിഞ്ഞുകൂടാൻ സാധ്യതയുണ്ട്. ഇത് മെഷീനിനുള്ളിൽ നിന്ന് അസഹനീയമായ ദുർഗന്ധം വമിക്കുന്നതിനും തുണികൾക്ക് കേടുപാടുകൾ സംഭവിക്കുന്നതിനും കാരണമാകുന്നു.

രാസവസ്തുക്കളുടെ സഹായമില്ലാതെ വാഷിംഗ് മെഷീനെ പുത്തൻ പോലെ സംരക്ഷിക്കാൻ സഹായിക്കുന്ന ചില പൊടിക്കൈകളുണ്ട്

ചേരുവകൾ

ഗ്രാമ്പൂ - 1 കഷണം, നാരങ്ങാത്തൊലി - 4, വെള്ളം - 2 ലിറ്റർ

തയ്യാറാക്കുന്ന വിധം

പിഴിഞ്ഞെടുത്ത നാരങ്ങ ഉണക്കി സൂക്ഷിക്കാം. രണ്ട് ലിറ്റർ വെള്ളം തിളപ്പിച്ച് അതിലേയ്ക്ക് ആലം ചേർക്കാം. ഒപ്പം ഉണങ്ങിയ നാരങ്ങ തൊലി കൂടി ചേർക്കാം. വെള്ളം നന്നായി തിളപ്പിച്ചതിനു ശേഷം സ്റ്റൗ ഓഫ് ചെയ്യാം. അത് തണുക്കാൻ മാറ്റി വയ്ക്കാം. തയ്യാറാക്കിയ ഈ മിശ്രിതം വാഷിംഗ് മെഷീനിൻ്റെ ഡിറ്റർജൻ്റ് കമ്പാർട്ടുമെൻ്റിലേയ്ക്ക് ഒഴിക്കാം. ബാക്കിയുള്ള ലായനി ഡ്രമ്മിലേയ്ക്ക് ഒഴിക്കാം. ശേഷം വാഷിംഗ് മെഷീൻ 15 മുതൽ 20 മിനിറ്റ് വരെ പ്രവർത്തിപ്പിക്കാം. ശേഷം ശുദ്ധമായ വെള്ളത്തിൽ 15 മിനിറ്റ് കൂടി മെഷീൻ പ്രവർത്തിപ്പിക്കാം. ആ സൈക്കിൾ പൂർത്തിയായതിനു ശേഷം മെഷീൻ ഓഫ് ചെയ്ത് വായുസഞ്ചാരത്തിനായി അതിൻ്റെ വാതിൽ തുറന്നിടാം. ഇത് ദുർഗന്ധം ഉള്ളിൽ തടഞ്ഞു നിൽക്കുന്ന സാഹചര്യം ഒഴിവാക്കും.