ഇവ രണ്ടും മതി, ഇനി വില കൂടിയ ഷാമ്പൂ വാങ്ങി പോക്കറ്റ് കാലിയാക്കേണ്ട

കെമിക്കൽ ഷാമ്പൂവും ഉപയോഗിച്ച് മിനക്കേടേണ്ട. പകരം പ്രകൃതിദത്തമായ ഈ ഹെയർ വാഷിങ് മിശ്രിതം ട്രൈ ചെയ്യൂ.

ചേരുവകൾ

സോപ്പ് നട്, നെല്ലിക്ക

തയ്യാറാക്കുന്ന വിധം

രണ്ട് ബൗളുകളിലായി സോപ് നടും, നെല്ലിക്കയും 24 മണിക്കൂർ കുതിർത്തു വയ്ക്കാം. ശേഷം ഇവ ഒരുമിച്ചു ചേർത്ത് അരച്ചെടുക്കാം.

ഉപയോഗിക്കേണ്ട വിധം

ശിരോചർമ്മത്തിലും മുടിയും ഈ മിശ്രിം പുരട്ടി മൃദുവായി മസാജ് ചെയ്യാം. 10 മിനിറ്റിനു ശേഷം തണുത്ത വെള്ളത്തിൽ കഴുകി കളയാം.

ഗുണങ്ങൾ

കഠിനമായ ചേരുവകൾ ഇല്ലാതെ തന്നെ ശിരോചർമ്മത്തിലെയും മുടിയിഴകളിലെയും അഴുക്കുകൾ നീക്കം ചെയ്യാം. നെല്ലിക്കയിൽ അടങ്ങിയിരിക്കുന്ന വിറ്റാമിൻ സി ആൻ്റി ഓക്സിഡൻ്റുകളാൽ സമ്പന്നമാണ്. സോപ് നട്ടിൽ അടങ്ങിയിരിക്കുന്ന സാപ്പോണിനുകൾ ചർമ്മ സുഷിരങ്ങളിലേയ്ക്ക് ആഴ്ന്നിറങ്ങി വൃത്തിയാക്കാൻ സഹായിക്കും.