രുചിയും മണവും ഗുണവുമുള്ള ഒറിഗാനോ വീട്ടിൽ വളർത്താൻ എളുപ്പമാണ്

ധാരാളം ആൻ്റിസെപ്റ്റിക് ഗുണങ്ങളുള്ള ഒറിഗാനോ പല വിഭവങ്ങളിലും രുചി വർധിപ്പിക്കാൻ ചേർക്കാറുണ്ട്. പുതിനയുടെ വർഗത്തിൽ പെടുന്ന ഒറിഗാനോ നിങ്ങളുടെ ചെറിയ അടുക്കളത്തോട്ടത്തിൽ നട്ടു വളർത്താം.

ഈർപ്പമുള്ള മണ്ണാണ് ഒറിഗാനോ വളർത്താൻ ഉചിതം. വെയിലും ആവിശ്യമാണ്.

ചെറിയ ചെടിച്ചട്ടിയിൽ മണ്ണ് നിറച്ച് ഒറിഗാനോ തൈകൾ നടാം. വെള്ളം കെട്ടി നിൽക്കാതിരിക്കാൻ ശ്രദ്ധിക്കാം.

ഇലകൾ കരിഞ്ഞു പോകാതിരിക്കാൻ നേരിട്ട് സൂര്യപ്രകാശം ഏൽക്കാത്ത സ്ഥലത്ത് നടാം. മഴക്കാലത്ത് ആവശ്യമെങ്കിൽ മാത്രം നനയ്ക്കാം. വേനൽക്കാലത്ത് രണ്ട് നേരം നനച്ചു കൊടുക്കണം.

സാധാരണയായി ഒറിഗാനോയ്ക്ക് വളപ്രയോഗം ആവശ്യമില്ല. കമ്പോസ്റ്റ്, ചാണകപ്പൊടി പോലെയുള്ളവ ഉപയോഗിക്കാം.