വെളുത്തുള്ളിയും സവാളയും വാങ്ങി പോക്കറ്റ് കാലിയാക്കേണ്ട, വീട്ടിൽ തന്നെ ആവശ്യത്തിന് വിളയിക്കാം

അടുക്കളയിൽ ഒഴിച്ചു കൂടാനാകാത്ത രണ്ട് പച്ചക്കറികളാണ് ചുവന്നുള്ളിയും വെളുത്തുള്ളിയും കറിക്ക് ഗുണവും മണവും രുചിയും നൽകാൻ ഇവ കൂടിയേ തീരൂ.

കടയിൽ വാങ്ങാൻ കിട്ടുമെങ്കിലും എല്ലായിപ്പോഴും ഒരേ വിലയാകണം എന്നില്ല. സീസണലായി വില കൂടും എന്നതിനാൽ ഇത്തരം പച്ചക്കറികൾ വീട്ടിൽ കൃഷി ചെയ്യുന്നതാണ് ഉത്തമം.

പ്രത്യേകമായി സ്ഥലമില്ലെങ്കിൽ ചെടിച്ചെട്ടിക്കുള്ളിലും ഇവ നട്ടു വളർത്താം. കേടുകളിലാത്ത വെളുത്തുള്ളിയും ചുവന്നുള്ളിയും നടാൻ ഉപയോഗിക്കാം.

ചാണകം ഉണക്കിപ്പൊടിച്ചതും, അടുക്കള കമ്പോസ്റ്റും അടങ്ങിയ മണ്ണ് ചെടിച്ചട്ടിയിൽ നിറച്ച് ചുവന്നുള്ളിയും വേരുള്ള ഭാഗം മണ്ണിൽ കുഴിച്ചു വയ്ക്കാം. വെളുത്തുള്ളിയുടെ ഓരേ അല്ലികളും ഇതേ രീതിയിൽ നടാം. ശേഷം അൽപം വെള്ളം ഒഴിച്ചു കൊടുക്കാം.

മുള പൊട്ടുന്നതു വരെ ദിവസവം മണ്ണ് നനച്ചു കൊടുക്കണം. നട്ട് 9 മുതൽ 12 ദിവസത്തിനുള്ള സാധാരണ ചെറിയ മുളകൾ വരുന്നതു കാണാം. മൂന്ന് മുതൽ നാല് മാസം വരെ എടുക്കും ശരിയായി വിളവു കിട്ടാൻ. വെളുത്തുള്ളി ആണെങ്കിൽ 6 മാസം വപെ എടുത്തേക്കും. അടുക്കളയിലെ ഭക്ഷണ അവശിഷ്ടങ്ങളും മറ്റും ഇതിന് വളമായി നൽകാം.