കുളിക്കുന്നതിനു മുമ്പ് ഇത് ഒരു സ്പൂൺ പുരട്ടൂ, ഇനി പട്ടുപോലെ മൃദുവായ തലമുടി നേടാം

നിറവും മണവും ഇല്ലാത്ത ദ്രാവകമാണ് ഗ്ലിസറിൻ. ഔഷധ മേഖലയിൽ ഇത് വ്യാപകമായി ഉപയോഗത്തിലുണ്ട്. കൂടാതെ ചർമ്മ സംരക്ഷണത്തിനും തലമുടി പരിചരണത്തിനും കാലങ്ങളായി ഗ്ലിസറിൻ ഉപയോഗത്തിലുണ്ട്.

മുടിയിൽ ഈർപ്പം നിലനിർത്താനും താരൻ കുറയ്ക്കാനും മുടി കൊഴിച്ചിൽ തടയാനും ഗ്ലിസറിൻ സഹായിക്കും. മുടി കൊഴിച്ചിൽ, താരൻ, ചൊറിച്ചിൽ വീക്കം, എന്നിവയാണ് സാധാരണ എല്ലാവരും നേരിടുന്ന പ്രശ്നം. അതിനായി ഗ്ലിസറിൻ ഉപയോഗിച്ചാലോ?

തലയോട്ടിയുടെ മൊത്തത്തിലുള്ള ആരോഗ്യത്തിന് ഗ്ലിസറിൻ നല്ലൊരു ഓപ്ഷനാണ്. അത് ഈർപ്പം തടഞ്ഞു നിർത്താൻ ഗുണകരമാണ്. മുടിയെ വേരുകളിൽ നിന്നു തന്നെ കണ്ടീഷൻ ചെയ്യുന്നു. ഇത് ആരോഗ്യമുള്ള തലമുടി വളരുന്നതിന് ഉചിതമായ അന്തരീക്ഷം തലയോട്ടിയിൽ സൃഷ്ടിക്കും.

ചേരുവകൾ

ഗ്ലിസറിൻ- 1 ടീസ്പൂൺ, വെള്ളം- ആവശ്യത്തിന്, ഷാമ്പൂ- ആവശ്യത്തിന്

തയ്യാറാക്കുന്ന വിധം

ഒരു ടീസ്പൂൺ ഗ്ലിസറിനിലേയ്ക്ക് നിങ്ങൾ ഉപയോഗിക്കുന്ന ഷാമ്പൂ ചേർത്തിളക്കി യോജിപ്പിക്കാം. ഇതിലേയ്ക്ക് ആവശ്യത്തിന് വെള്ളവും ഒഴിക്കാം. ശേഷം മുടി കഴുകാൻ ഉപയോഗിച്ചു നോക്കൂ.