ഫിൽറ്ററുകൾ വേണ്ട, തിളങ്ങുന്ന ചർമ്മം സ്വന്തമാക്കാൻ വഴികളിതാ

മേക്കപ്പുകളുടെ അകമ്പടിയില്ലാതെ തന്നെ ചർമ്മത്തിന് സ്വാഭാവികമായ തിളക്കം ലഭിക്കാൻ ആഗ്രഹിക്കാത്തവരായി ആരുണ്ടാകും? നമ്മുടെ പ്രകൃതിയിൽ തന്നെ ഇതിനുള്ള പരിഹാരങ്ങൾ ഒളിഞ്ഞിരിപ്പുണ്ട്. ചർമ്മത്തിന് പെട്ടെന്ന് തിളക്കം നൽകുക മാത്രമല്ല, ഉള്ളിൽ നിന്ന് പോഷിപ്പിക്കുകയും ചെയ്യുന്ന ചില പ്രകൃതിദത്ത ചേരുവകൾ പരിചയപ്പെടാം.

നാരങ്ങാനീര്

വിറ്റാമിൻ സി ധാരാളമായി അടങ്ങിയ നാരങ്ങാനീര് കറുത്ത പാടുകൾ അകറ്റാൻ സഹായിക്കുന്നു. ഇത് തേൻ അല്ലെങ്കിൽ തൈരുമായി ചേർത്ത് ഉപയോഗിക്കാം. (ഉപയോഗിച്ച ഉടനെ വെയിൽ കൊള്ളരുത്).

മഞ്ഞൾ 

ചർമ്മത്തിലെ മങ്ങൽ മാറ്റി തിളക്കം നൽകാൻ പണ്ടുകാലം മുതലേ മഞ്ഞൾ ഉപയോഗിക്കുന്നു. മഞ്ഞൾപ്പൊടി പാലിലോ കറ്റാർവാഴ ജെല്ലിലോ കലർത്തി പുരട്ടുന്നത് ചർമ്മത്തിന്റെ നിറം വർദ്ധിപ്പിക്കാൻ സഹായിക്കും.

Also Read: ദിവസവും രാവിലെ ഇത് വെള്ളത്തിൽ ചേർത്തു കുടിക്കൂ, തിളക്കമുള്ള മുടിയും ചർമ്മവും സ്വന്തമാക്കാം

തേൻ 

ചർമ്മത്തിന് ആവശ്യമായ ഈർപ്പം നൽകാനും തിളക്കം വർദ്ധിപ്പിക്കാനും തേൻ മികച്ചതാണ്. മുഖത്ത് തേൻ പുരട്ടി 10 മിനിറ്റിന് ശേഷം കഴുകിക്കളയുന്നത് ചർമ്മത്തെ മൃദുവാക്കും.

കറ്റാർവാഴ 

തളർന്ന ചർമ്മത്തിന് ഉന്മേഷം നൽകാൻ കറ്റാർവാഴ ജെല്ലിന് സാധിക്കും. ഇത് നേരിട്ട് മുഖത്ത് പുരട്ടുന്നത് വഴി ചർമ്മം തെളിച്ചമുള്ളതാകും.

Also Read: പ്രായം പിന്നോട്ട് തന്നെ, യുവത്വം തുളുമ്പുന്ന ചർമ്മത്തിന്റെ രഹസ്യം പങ്കുവച്ച് ബിപാഷ

പപ്പായ 

ചർമ്മത്തിലെ മൃതകോശങ്ങളെ നീക്കം ചെയ്യാൻ പപ്പായയിലെ എൻസൈമുകൾ സഹായിക്കുന്നു. പഴുത്ത പപ്പായ ഉടച്ച് മുഖത്ത് 15 മിനിറ്റ് പുരട്ടുന്നത് നല്ലതാണ്.

വെള്ളരിക്ക

ചർമ്മത്തിന് തണുപ്പും ഉന്മേഷവും നൽകാൻ വെള്ളരിക്ക സഹായിക്കുന്നു. വെള്ളരിക്കാനീരും പനിനീരും ചേർത്ത് ടോണറായി ഉപയോഗിക്കാം.

കടലമാവ് 

ചർമ്മം വൃത്തിയാക്കാനുള്ള പരമ്പരാഗതമായ വഴിയാണ് കടലമാവ്. തൈരും അല്പം മഞ്ഞളും കടലമാവിൽ ചേർത്ത് ഫേസ് പാക്കായി ഉപയോഗിക്കാം.

Also Read: വീക്കം മാറാൻ പ്രിയങ്ക ചോപ്രയുടെ 'ഡി-പഫിംഗ്' വിദ്യ; ഈ ഐസ് ഫേഷ്യൽ എത്രത്തോളം ഫലപ്രദമാണ്? 

പനിനീർ

ചർമ്മത്തിലെ സുഷിരങ്ങൾ അടയ്ക്കാനും പെട്ടെന്ന് ഒരു തിളക്കം നൽകാനും പനിനീർ സഹായിക്കുന്നു.

തക്കാളി 

ചർമ്മത്തിലെ കരുവാളിപ്പ് മാറ്റാൻ തക്കാളി നീര് സഹായിക്കും. വെയിലേറ്റു വാടിയ ചർമ്മത്തിന് ഇത് മികച്ച പ്രതിവിധിയാണ്.

പാൽ 

പാലിലെ ലാക്റ്റിക് ആസിഡ് ചർമ്മത്തെ മൃദുവാക്കുകയും തിളക്കം നൽകുകയും ചെയ്യുന്നു. ഇതൊരു ക്ലെൻസറായി ഉപയോഗിക്കാം.

പ്രകൃതിദത്തമായ ഈ വഴികൾ കൃത്യമായി പിന്തുടരുന്നതിലൂടെയും ധാരാളം വെള്ളം കുടിക്കുന്നതിലൂടെയും നിങ്ങളുടെ ചർമ്മത്തിന് എന്നും നിലനിൽക്കുന്ന തിളക്കം നൽകാൻ സാധിക്കും.

DISCLAIMER: മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക

Read More: പാൽ പോലെ തിളക്കമുള്ള ചർമ്മത്തിന് തമന്നയുടെ കിടിലൻ ഫെയ്സ്മാസ്ക്