ദിവസവും രാവിലെ പാലിൽ ഈ പൊടി ചേർത്ത് മുഖത്ത് പുരട്ടൂ, ചർമ്മം തിളക്കമുള്ളതാകും

നൂറ്റാണ്ടുകളായി സൗന്ദര്യ സംരക്ഷണത്തിനായി പാൽ ഉപയോഗിച്ചുവരുന്നുണ്ട്.  പാൽ മുഖത്ത് പുരട്ടുന്നത് ചർമ്മപ്രശ്നങ്ങൾക്കുള്ള മികച്ചൊരു പരിഹാരമാണ്. ചർമ്മത്തിന്റെ ഗുണനിലവാരം, ഘടന, നിറം എന്നിവ മെച്ചപ്പെടുത്താൻ പാൽ സഹായിക്കും. വിറ്റാമിനുകൾ, ധാതുക്കൾ, ലാക്റ്റിക് ആസിഡ് തുടങ്ങിയ അവശ്യ പോഷകങ്ങളാൽ സമ്പുഷ്ടമായ പാൽ ചർമ്മത്തെ പോഷിപ്പിക്കുകയും, വരൾച്ച ശമിപ്പിക്കുകയും, മങ്ങിയ ചർമ്മത്തിന് തിളക്കം നൽകുകയും ചെയ്യുന്നു.

പാലും മഞ്ഞളും

അര കപ്പ് പാലിൽ ഒരു നുള്ള് മഞ്ഞൾ ചേർക്കുക. മുഖത്ത് പുരട്ടി 15 മിനിറ്റ് കാത്തിരിക്കുക. ചെറുചൂടുള്ള വെള്ളത്തിൽ കഴുകിക്കളയുക. എല്ലാ ദിവസവും ഇങ്ങനെ ചെയ്യുന്നത് നല്ല ഫലം നൽകും.

പാലും കടലമാവും

2 ടേബിൾസ്പൂൺ കടലമാവിൽ 2 ടേബിൾസ്പൂൺ പാൽ ചേർത്ത് മിക്സ് ചെയ്യുക. പേസ്റ്റ് രൂപത്തിലാക്കിയശേഷം മുഖത്ത് പുരട്ടി 15-20 മിനിറ്റ് ഉണങ്ങാൻ അനുവദിക്കുക. ചെറുചൂടുള്ള വെള്ളത്തിൽ കഴുകിക്കളയുക. മുഖം തിളങ്ങാൻ ഈ ഫെയ്സ് മാസ്ക് നല്ലതാണ്.

പാലും ഓട്സും

2 ടേബിൾസ്പൂൺ ഓട്‌സിൽ ആവശ്യത്തിന് പാൽ ചേർത്ത് കട്ടിയുള്ള പേസ്റ്റ് ഉണ്ടാക്കുക. മുഖത്ത് പുരട്ടി പതിയെ മസാജ് ചെയ്യുക. ഉണങ്ങിയശേഷം ചെറുചൂടുള്ള വെള്ളത്തിൽ കഴുകുക. ഓട്‌സ് ഒരു എക്സ്ഫോളിയന്റാണ്. മൃതചർമ്മകോശങ്ങളെ നീക്കം ചെയ്യുന്നു. ഓട്‌സ്, അസംസ്കൃത പാൽ എന്നിവയുടെ സംയോജനം ചർമ്മത്തെ ഈർപ്പമുള്ളതാക്കുകയും മൃദുവാക്കുകയും ചെയ്യുന്നു.

മുഖക്കുരു സാധ്യതയുള്ള ചർമ്മമുള്ളവർക്ക് ഇത് വളരെയധികം ഗുണം ചെയ്യുംപാൽ ലാക്റ്റിക് ആസിഡ് കൊണ്ട് നിറഞ്ഞിരിക്കുന്നു. മുഖത്ത് പുരട്ടുന്നതിലൂടെ ചർമ്മത്തിലെ മൃതകോശങ്ങളെ പുറംതള്ളുകയും സുഷിരങ്ങൾ തുറക്കുകയും മുഖക്കുരു വരുന്നത് തടയുകയും ചെയ്യുന്നു. വിറ്റാമിനുകളും ധാതുക്കളും നിറഞ്ഞിരിക്കുന്നതിനാൽ മുഖക്കുരും പാടുകൾ ഇല്ലാതാക്കുന്നു.