സലൂൺ വരെ പോകേണ്ട, തിളക്കമുള്ള തലമുടിക്കായി ഇനി വീട്ടിൽ ചെയ്യാം ഹെയർ സ്പാ

നല്ല തിളക്കമുള്ളതും ആരോഗ്യവുമുള്ളതുമായ മുടി ആഗ്രഹിക്കാത്തവരായി ആരുമില്ല. ഇനി അതിനായി പോക്കറ്റ് കാലിയാക്കുന്ന ട്രീറ്റമെൻ്റുകളോ ക്രീമുകളോ വേണ്ട, പകരം ഇത് ഉപയോഗിക്കൂ

Written byLifestyle Desk

നല്ല തിളക്കമുള്ളതും ആരോഗ്യവുമുള്ളതുമായ മുടി ആഗ്രഹിക്കാത്തവരായി ആരുമില്ല. ഇനി അതിനായി പോക്കറ്റ് കാലിയാക്കുന്ന ട്രീറ്റമെൻ്റുകളോ ക്രീമുകളോ വേണ്ട, പകരം ഇത് ഉപയോഗിക്കൂ

Lifestyle Desk

28 Jan 2026 16:04 IST

New Update

Hair Spa At Home FI — ഇനി ഹെയർ സ്പാ വീട്ടിൽ ചെയ്യാം | ചിത്രം: ഫ്രീപിക്

1/5

മുടിയിൽ എണ്ണ തേച്ച് തുടങ്ങാം

നല്ലൊരു ഹെയർ സ്പായുടെ ആദ്യ ഘട്ടം ഇളം ചൂടുള്ള എണ്ണ പുരട്ടുക എന്നതാണ്. തലയോട്ടിക്ക് പോഷണം നൽകാൻ വെളിച്ചെണ്ണയോ, ഒലീവ് ഓയിലോ, ബദാം ഓയിലോ ഉപയോഗിക്കാം. രക്തചംക്രമണം വർദ്ധിപ്പിക്കുന്നതിനും സമ്മർദ്ദം കുറയ്ക്കുന്നതിനും 10-15 മിനിറ്റ് നേരം തലയോട്ടി മെല്ലെ മസാജ് ചെയ്യാം.

2/5

വീട്ടിൽ തന്നെ മുടി സ്റ്റീം ചെയ്യാം

എണ്ണ തേച്ചതിനു ശേഷം, എണ്ണ മുടിയുടെ ഉള്ളിലേക്ക് ഇറങ്ങിച്ചെല്ലാൻ മുടി സ്റ്റീം ചെയ്യേണ്ടതുണ്ട്. ഇതിനായി പ്രത്യേക മെഷീന്റെ ആവശ്യമില്ല; ഒരു തോർത്ത് ചൂടുവെള്ളത്തിൽ മുക്കി പിഴിഞ്ഞെടുത്ത് തലയിൽ 10 മിനിറ്റ് ചുറ്റിക്കെട്ടി വെക്കാം. ഇത് മുടിയുടെ സുഷിരങ്ങൾ തുറക്കാനും എണ്ണ നന്നായി പ്രവർത്തിക്കാനും സഹായിക്കും.

3/5

വീര്യം കുറഞ്ഞ ഷാംപൂ ഉപയോഗിച്ച് കഴുകാം

മുടി സ്റ്റീം ചെയ്ത ശേഷം, രാസവസ്തുക്കൾ കുറഞ്ഞ ഷാംപൂ ഉപയോഗിച്ച് മുടി കഴുകാം. ഇത് മുടിയുടെ സ്വാഭാവിക ഈർപ്പം നഷ്ടപ്പെടുത്താതെ തലയോട്ടിയിലെ അധിക എണ്ണമയം നീക്കം ചെയ്യാൻ സഹായിക്കും. കഴുകാൻ അമിതമായി ചൂടുള്ള വെള്ളം ഉപയോഗിക്കരുത്; ഇളം ചൂടുവെള്ളമാണ് മുടിക്ക് ഏറ്റവും അനുയോജ്യം.

Advertisment

4/5

ഹെയർ മാസ്ക് ഉപയോഗിക്കാം

ഹെയർ സ്പായുടെ ഏറ്റവും പ്രധാനപ്പെട്ട ഭാഗം പോഷകപ്രദമായ ഹെയർ മാസ്ക് പുരട്ടുക എന്നതാണ്. വിപണിയിൽ ലഭിക്കുന്ന മാസ്കുകളോ അല്ലെങ്കിൽ വീട്ടിൽ തന്നെ പഴം, തൈര്, തേൻ, കറ്റാർവാഴ എന്നിവ ഉപയോഗിച്ച് തയ്യാറാക്കിയ മാസ്കോ ഉപയോഗിക്കാം. മുടിയുടെ വേരുകൾ മുതൽ അറ്റം വരെ ഇത് പുരട്ടി 20-30 മിനിറ്റ് വെച്ച ശേഷം കഴുകിക്കളയാം. ഇത് കേടായ മുടി നന്നാക്കാനും തിളക്കം നൽകാനും സഹായിക്കുന്നു.

5/5

കണ്ടീഷ്ണർ ഉപയോഗിച്ച് പൂർത്തിയാക്കാം

ഈർപ്പം നിലനിർത്തുന്നതിനായി അവസാന ഘട്ടത്തിൽ ഒരു കണ്ടീഷ്ണർ ഉപയോഗിക്കാം. ഇത് 2-3 മിനിറ്റ് വെച്ച ശേഷം തണുത്ത വെള്ളത്തിൽ കഴുകാം. ഇത് മുടിയുടെ മൃദുത്വം നിലനിർത്താൻ സഹായിക്കും. മികച്ച ഫലങ്ങൾക്കായി, രണ്ടാഴ്ചയിലൊരിക്കൽ ഈ ഹെയർ സ്പാ ആവർത്തിക്കാം.

Beauty Tips Hair Style Hair Fall

Stay updated with the latest news headlines and all the latest Lifestyle news. Download Indian Express Malayalam App - Android or iOS.