അകാല നരയ്ക്ക് ഗുഡ് ബൈ; ഒരു പിടി ഉലുവ മതി

നരച്ച മുടി മറയ്ക്കാൻ ഡൈ ഉപയോഗിച്ച് കറുപ്പിക്കാം എന്നാവാം ആദ്യം ചിന്തിക്കുക. അതിന് നിരവധി ഉത്പന്നങ്ങൾ കടകളിൽ ലഭ്യമാണ്. എന്നാൽ കെമിക്കലുകളടങ്ങിയ ഇവ ചർമ്മാരോഗ്യത്തെ ദോഷകരമായി ബാധിക്കും. ഇതിന് പരിഹാരമായ ഹെയർ ഡൈ വീട്ടിൽ തയ്യാറാക്കി നോക്കൂ. നിങ്ങൾക്കു ചുറ്റും സുലഭമായി ലഭിക്കുന്ന ചേരുവകൾ മതിയാകും. 

ചേരുവകൾ

കരിഞ്ചീരകം, ഉലുവ, നെല്ലിക്ക, കറിവേപ്പില, കടുക്

തയ്യാറാക്കുന്ന വിധം

അടി കട്ടിയുള്ള ഒരു പാത്രം അടുപ്പിൽ വച്ച് കരിഞ്ചീരകം, ഉലുവ, കടുക് എന്നിവ പ്രത്യേകം വറുത്തു മാറ്റാം. ഇതിലേയ്ക്ക് കറിവേപ്പില ചേർത്ത് നന്നായി വറുക്കാം. വറുത്തെടുത്തവ തണുത്തതിനു ശേഷം പൊടിക്കാം. ഒരു ഇരുമ്പ് ചീനച്ചട്ടിയിലേയ്ക്ക് നെല്ലക്കപ്പൊടി ചേർക്കാം. ഇതിലേയ്ക്ക് തയ്യാറാക്കിയ പൊടി ചേർക്കാം. അൽപം വെള്ളം ഇതിലേയ്ക്ക് ഒഴിച്ചിളക്കി യോജിപ്പച്ച് പേസ്റ്റ് രൂപത്തിലാക്കാം. 

ഉപയോഗിക്കേണ്ട വിധം

എണ്ണ മയം ഒട്ടുമില്ലാത്ത മുടിയിൽ വേണം ഇത് പുരട്ടാൻ. മുടിയിഴകൾ പലഭാഗങ്ങളായി തിരിക്കാം. ശേഷം വിരലുകൾ ഉപയോഗിച്ചോ പുരട്ടാം. 30 മിനിറ്റിനു ശേഷം തണുത്ത വെള്ളത്തിൽ കഴുകി കളയാം. 

ഗുണങ്ങൾ

കരിഞ്ചീരകം എന്ന ചെറിയ വിത്ത് ആരോഗ്യ ഗുണങ്ങളാല്‍ കേമനാണ്.  ഇത് ചര്‍മ, മുടി സംരണത്തിനും ഏറെ മികച്ചതാണ്. കരിഞ്ചീരക എണ്ണ മുടിയില്‍ പുരട്ടുന്നത് മുടി നല്ല ഉള്ളോടെ, ആരോഗ്യത്തോടെ വളരാന്‍ സഹായിക്കുന്നു. വിറ്റാമിൻ എ, വിറ്റാമിൻ സി, എന്നിവ അടങ്ങിയ ഉലുവ ശിരോചർമ്മത്തിലെ വീക്കം കുറച്ച് മുടിക്ക് ആരോഗ്യത്തോടെ വളരാനുള്ള അന്തരീക്ഷം സൃഷ്ടിക്കുന്നു. ആൻ്റ് ബാക്ടീരിയൽ, ആൻ്റി ഫംഗൽ, ഗുണങ്ങൾ  നെല്ലിക്കയിൽ ധാരാളമുണ്ട്. മുടിവളർച്ചയ്ക്ക് ആവശ്യമായ അമിനോ ആസിഡുകൾ നൽകാനും ഇവയ്ക്ക് സാധിക്കും. കറിവേപ്പിലയ്ക്ക് ആൻ്റിബാക്ടീരിയൽ ആൻ്റി ഫംഗൽ സവിശേഷതകളുണ്ട്. അതിനാൽ മുടിയുടെ ആരോഗ്യത്തിന് നല്ലതാണ്. 

Disclaimer

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.