സൺസ്ക്രീൻ എങ്ങനെയാണ് ഉപയോഗിക്കേണ്ടത്? വീഡിയോ

വേനൽക്കാലത്ത് ചർമ്മ സംരക്ഷണത്തിൽ കുറച്ചു കൂടി ശ്രദ്ധ വയ്ക്കേണ്ട സമയമാണ്. അൾട്രാവയലറ്റ് രശ്മികളിൽനിന്നും ചർമ്മത്തെ സംരക്ഷിക്കാൻ പുറത്തിറങ്ങുമ്പോൾ സൺസ്ക്രീനുകൾ നിർബന്ധമായും ഉപയോഗിക്കണം. ചർമ്മത്തിലെ കരുവാളിപ്പ് നീക്കാൻ സൺസ്ക്രീനുകൾ സഹായിക്കും. 15 നും 50 നും ഇടയിൽ എസ്‌പിഎഫ് ഉള്ള സൺസ്ക്രീനുകളാണ് എപ്പോഴും തിരഞ്ഞെടുക്കേണ്ടത്.

പുറത്ത് ഇറങ്ങുന്നതിന് 15 മിനിറ്റ് മുൻപെങ്കിലും സൺസ്ക്രീനുകൾ പുരട്ടണം. സൺസ്ക്രീനുകൾ മുഖത്ത് പുരട്ടേണ്ടത് എങ്ങനെയാണ് എന്നതിനെക്കുറിച്ചും അറിഞ്ഞിരിക്കണം. അവ ശരിയായ രീതിയിൽ ഉപയോഗിച്ചില്ലെങ്കിൽ ഗുണം ലഭിക്കില്ല. മുഖത്ത് ഒരു ടേബിൾ സ്പൂൺ അളവിലെങ്കിലും സൺസ്ക്രീനുകൾ പുരട്ടണം.

സൺസ്ക്രീനുകൾ മുഖത്ത് പുരട്ടേണ്ടത് എങ്ങനെയാണ് എന്നതിനെക്കുറിച്ചുള്ള വീഡിയോ ഡെർമറ്റോളജിസ്റ്റ് ഡോ.അഞ്ചൽ പന്ത് ഇൻസ്റ്റഗ്രാം പേജിൽ പോസ്റ്റ് ചെയ്തിട്ടുണ്ട്. രണ്ടു കൈവിരലുകളുടെ നീളത്തിൽ സൺസ്ക്രീൻ എടുക്കുക. അതിനുശേഷം മുഖത്ത് എല്ലായിടത്തും പുരട്ടുക. മുഖത്തെ ഒരു ഭാഗവും ഒഴിവാക്കരുത്. മുഖത്ത് ആദ്യം സണ്‍സ്‌ക്രീന്‍ ഇട്ടതിനു ശേഷം മോയ്സ്ച്യുറൈസര്‍ പുരട്ടുന്നതാണ് എപ്പോഴും നല്ലത്.

View this post on Instagram

A post shared by Dr. Aanchal Panth I Dermatologist (@dr.aanchal.md)

വേനൽകാലത്ത് മാത്രമല്ല, സൺസ്ക്രീനുകൾ എല്ലാ കാലാവസ്ഥയിലും ഉപയോഗിക്കാവുന്നതാണ്. മുഖത്ത് മാത്രമല്ല, കഴുത്തിലും ചെവിയിലും സൺസ്ക്രീനുകൾ പുരട്ടണം. രണ്ടോ മൂന്നോ മണിക്കൂർ നേരത്തേക്ക് മാത്രമാണ് സൺസ്ക്രീനുകൾ ചർമ്മത്തിന് സംരക്ഷണം നൽകുക. അതിനാൽ തന്നെ ദിവസത്തിൽ രണ്ടോ മൂന്നോ പ്രാവശ്യം ഉപയോഗിക്കുക. വീടിന് അകത്താണെങ്കിൽ ദിവസത്തിൽ ഒരു തവണ ഉപയോഗിച്ചാൽ മതിയാകും. 

Read More

• വാസ്‌ലിൻ മുഖത്ത് പുരട്ടിയാൽ എന്ത് സംഭവിക്കും?
• 40 കളിലെ മുടി കൊഴിച്ചിലിന്റെ കാരണമെന്ത്? എങ്ങനെ തടയാം
• ചർമ്മം തിളങ്ങാനും മുഖക്കുരു കുറയ്ക്കാനും ഓറഞ്ച് തൊലി കൊണ്ടുള്ള ഫെയ്സ് മാസ്ക്
• മുഖക്കുരു അകറ്റാം, ചില സിംപിൾ ആയുർവേദ മാർഗങ്ങൾ