മുട്ടത്തോടും കഞ്ഞിവെള്ളവും കൈയ്യിലുണ്ടെങ്കിൽ ഇനി പച്ചമുളക് കുലകളായി കായ്ക്കും

അടുക്കളയിലെയും അടുക്കളത്തോട്ടത്തിലെയും പ്രധാനിയാണ് പച്ചമുളക്. മുളക് ചെടി വളരെ പെട്ടെന്ന് വാടിപോകാൻ സാധ്യതയുണ്. അത് ഒഴിവാക്കി കുലകളായി മുളക് കായ്ക്കാൻ ഈ വളം ഉപയോഗിക്കാം.

ചേരുവകൾ

കഞ്ഞിവെള്ളം (പുളിപ്പിച്ചത്), തേയില, മുട്ടത്തോട്, വെള്ളം

തയ്യാറാക്കുന്ന വിധം

ഉപയോഗിച്ച മുട്ടത്തോട് കഴുകി വെയിലത്ത് ഉണക്കിയെടുക്കാം. ശേഷം അത് മിക്സിയിലിട്ട് പൊടിച്ചെടുക്കാം. പുളിപ്പിച്ച കഞ്ഞിവെള്ളത്തിലേയ്ക്ക് പാൽ ചേർക്കാത്ത തേയിലപ്പൊടിയിട്ട് ഇളക്കി യോജിപ്പിക്കാം. ഇതിലേയ്ക്ക് മുട്ടത്തോട് പൊടിച്ചതും ചേർക്കാം. കഞ്ഞിവെള്ളം നേർപ്പിക്കാൻ കുറച്ചു വെള്ളം ഇതിലേയ്ക്ക് ഒഴിച്ചിളക്കി യോജിപ്പിക്കാം.

ഉപയോഗിക്കേണ്ട വിധം

പച്ചമുളകിൻ്റെ ചുവട്ടിലെ മണ്ണ് ഇളക്കാം. ശേഷം തയ്യാറാക്കിയ മിശ്രിതം ചുവട്ടിൽ ഒഴിക്കാം. ആഴ്ചയിൽ ഒരിക്കൽ ഇങ്ങനെ ചെയ്യാം.

ഇക്കാര്യങ്ങൾ ശ്രദ്ധിക്കാം

പഞ്ചസാരയോ പാലോ ചേർക്കാത്ത ചായപ്പൊടി വേണം ഉപയോഗിക്കാൻ. കഞ്ഞിവെള്ളം നേർപ്പിച്ചതിനു ശേഷമേ ഉപയോഗിക്കാവൂ.