പോക്കറ്റ് കാലിയാക്കേണ്ട, വിറ്റാമിൻ സി ചേർന്ന ക്ലെൻസർ ഇനി വീട്ടിൽ തയ്യാറാക്കാം

കടകളിലും വഴിയോരങ്ങളിലും ഓറഞ്ച് വിൽപന പൊടിപൊടിക്കുന്നുണ്ട്. വീട്ടിലേയ്ക്ക് അവ വാങ്ങിയാൽ ഇനി ചർമ്മ സംരക്ഷണത്തിന് ഒരു ചേരുവ കൂടിയായി എന്ന് കരുതിക്കോളൂ. ജ്യൂസ് തയ്യാറാക്കുമ്പോഴോ കഴിക്കുമ്പോഴോ ബാക്കി വന്ന ഓറഞ്ച് അല്ലി വെറുതെ കളയേണ്ട, ചർമ്മത്തിൽ ഉപയോഗിച്ചു നോക്കൂ. രുചിയിൽ മാത്രമല്ല ഗുണത്തിലും കേമനാണ് ഓറഞ്ച് എന്ന് മനസ്സിലാകും.

Also Read: ദിവസവും ഭക്ഷണത്തിനൊപ്പം ഇത് കുടിക്കൂ, തിളക്കമുള്ള ചർമ്മം സ്വന്തമാക്കാം

ക്ലെൻസർ തയ്യാറാക്കുന്ന വിധം

ഓറഞ്ച് അല്ലി അരച്ചെടുക്കാം. അതിലേക്ക് ഒലിവ് എണ്ണയോ, തൈരോ, തേനോ ചേർത്തിളക്കി യോജിപ്പിക്കാം. ഇത് മുഖത്ത് പുരട്ടി പത്ത് മുതൽ പതിനഞ്ച് മിനിറ്റു വരെ വിശ്രമിക്കാം. ശേഷം ചെറുചൂടുള്ള വെള്ളത്തിൽ ഇത് കഴുകി കളയാം.  

ആഴ്ചയിൽ ഒന്നോ രണ്ടോ തവണ ഇത് ഉപയോഗിക്കാവുന്നതാണ്. ബാക്കി വന്നത് ഫ്രിഡ്ജിൽ സൂക്ഷിക്കാം.

Also Read: ഒറ്റ ഉപയോഗത്തിൽ ചർമ്മം തിളക്കമുള്ളതാക്കാം, കാപ്പിപ്പൊടിയിൽ ഇവ ചേർത്തുപയോഗിക്കൂ

ഗുണങ്ങൾ

വിറ്റാമിൻ സി: ഓറഞ്ചിൽ ധാരാളം വിറ്റാമിൻ സി അടങ്ങിയിട്ടുണ്ട്. വിറ്റാമിൻ സി ഒരു മികച്ച ആൻ്റി ഓക്സിഡൻ്റാണ്. അത് ചർമ്മത്തിലെ കറുത്ത പാടുകൾ അകറ്റുന്നു. കൊളാജൻ ഉത്പാദനത്തിന് സഹായിക്കുന്നതിലൂടെ ചർമ്മത്തിൻ്റെ ഇലാസ്തികത വർധിപ്പിക്കുന്നു. ഇത് ചുളിവുകൾ കുറച്ച് യുവത്വം തുളമ്പുന്ന ചർമ്മം നൽകുന്നു.

Also Read: പാൽ തിളപ്പിച്ചതിനു ശേഷം പാട സൂക്ഷിച്ചു വച്ചോളൂ, സ്ട്രെച്ച് മാർക്ക് കുറയ്ക്കാൻ ഒരു വിദ്യയുണ്ട്

എക്സഫോളിയൻ്റ്:  സിട്രിക് ആസിഡ് എന്ന നാച്വറൽ എക്സ്ഫോളിയൻ്റ് ഓറഞ്ചിൽ അടങ്ങിയിട്ടുണ്ട്. അത് മൃതചർമ്മം നീക്കം ചെയ്യും. ഇത് ചർമ്മം മൃദുവും തിളക്കവുമുള്ളതാക്കുന്നു.

ഈർപ്പം: ധാരാളം ജലാംശം ഓറഞ്ചിൽ അടങ്ങിയിട്ടുണ്ട്. ഇത് ചർമ്മം അമിതമായി വരണ്ടു പോകുന്നത് തടയുന്നു.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More:ബ്ലാക്ക്ഹെഡ്സും വൈറ്റ്ഹെഡ്സും ഞൊടിയിടയിൽ അകറ്റാം, ഈ വിത്ത് ഒരു സ്പൂൺ മതി