30കളിലും ചർമ്മം യുവത്വത്തോടെ തിളക്കമുള്ളതായിരിക്കും, ഈ നാല് ചേരുവകൾ കൈയ്യിലുണ്ടെങ്കിൽ

ചെറുപ്പക്കാർക്ക് മാത്രമല്ല 30കൾക്കു ശേഷവും ചർമ്മ പരിചരണം ആവശ്യമാണ്. അതിന് പാർലറിൽ പോകേണ്ടതില്ല, കെമിക്കലുകൾ അടങ്ങിയ ഉത്പന്നങ്ങൾ വാങ്ങി ഉപയോഗിക്കേണ്ടതുമില്ല. ആയുർവേദ ഗുണങ്ങളുള്ള ഒരുപാട് ചേരുവകൾ വീട്ടിനുള്ളിൽ തന്നെയുണ്ട്. അവ ഫലപ്രദമായ രീതിയിൽ ഉപയോഗിച്ചാൽ മതി.

Also Read: ദിവസവും കിടക്കുന്നതിനു മുമ്പ് ഇത് പുരട്ടൂ, ചുളിവുകളും പാടുകളുമില്ലാത്ത ചർമ്മം സ്വന്തമാക്കാം

ചേരുവകൾ

• മുലേത്തി അല്ലെങ്കിൽ ലൈക്കോറൈസ് പൊടി- 1 ടീസ്പൂൺ 
• ചണവിത്ത് ജെൽ-  1 ടീസ്പൂൺ
• കസ്തരി മഞ്ഞൾപ്പൊടി- ആവശ്യത്തിന്
• റോസ് വാട്ടർ- ആവശ്യത്തിന്

തയ്യാറാക്കുന്ന വിധം

ഒരു ടീസ്പൂൺ മുലേത്തി പൊടിയിലേയ്ക്ക് ഒരു ടീസ്പൂൺ ചണവിത്ത് ജെൽ ചേർത്തിളക്കി യോജിപ്പിക്കാം. ഇതിലേയ്ക്ക് കസ്തൂരി മഞ്ഞൾപ്പൊടിയും അൽപം റോസ് വാട്ടറും ഒഴിച്ചിളക്കി യോജിപ്പിക്കാം.  

Also Read: ദിവസവും ഉറങ്ങുന്നതിനു മുമ്പ് ഇതിലൊന്ന് ഉപയോഗിച്ച് മുഖം കഴുകൂ, ചർമ്മം പൂപോലെ സോഫ്റ്റും തിളക്കമുള്ളതുമാകും

ഉപയോഗിക്കേണ്ട വിധം

ഈ മിശ്രിതം ഐസ്ക്യൂബ് ട്രേയിലേയ്ക്ക് ഒഴിച്ച് ഫ്രീസറിൽ സൂക്ഷിക്കാവുന്നതാണ്. കുളിക്കുന്നതിനു മുമ്പ് ഈ ഐസ്ക്യൂബ് ഉപയോഗിച്ച് മുഖം മസാജ് ചെയ്യാം. 

Also Read: ഒരു മുറി നാരങ്ങ ഉപയോഗിച്ച് വീട്ടിൽ തന്നെ ചെയ്യാം ബ്ലീച്ച്, ഇൻസ്റ്റൻ്റ് ഗ്ലോ നേടാൻ ഇനി പാർലറിലേയ്ക്ക് ഓടേണ്ട

ഗുണങ്ങൾ

• ഇത് നിങ്ങളുടെ ചർമ്മത്തെ കൂടുതൽ മുറുക്കുകയും. ചർമ്മത്തെ മൃദുവാക്കുകയും ചെയ്യും. ഒപ്പം കറുത്ത പാടുകളും ചുളിവകളും കുറച്ച് ചർമ്മത്തിലെ ഈർപ്പം നിലനിർത്തും. അതിനാൽ ചർമ്മം കൂടുതൽ തെളിച്ചമുള്ളതായി അനുഭവപ്പെട്ടേക്കും. 
• മുലേത്തി പോലെയുള്ള ചേരുവകൾ അമിതമായി ഉപയോഗിച്ചാൽ സെൻസിറ്റീവ് അല്ലെങ്കിൽ വരണ്ട ചർമ്മത്തിന് ഇത് അസ്വസ്ഥത ഉണ്ടാക്കിയേക്കും. 
• ആഴ്ചയിൽ മൂന്നോ നാലോ തവണ ഇത് ഉപയോഗിക്കാം. ഓരോ തവണ ഉപയോഗിക്കുമ്പോഴും പാച്ച് ടെസ്റ്റ് ചെയ്തു നോക്കുന്നതായിരിക്കും നല്ലത്. 
• ഇത്തരം ചേരുവകൾ ഉപയോഗിക്കുന്നതിനൊപ്പം മതിയായ ഹൈഡ്രേഷൻ ശരീരത്തിൽ ഉറപ്പാക്കണം. ഒപ്പം പോഷക സമ്പന്നമായ ആഹാര ശീലവും ഉറപ്പാക്കാം. 
• നിങ്ങളുടെ ചർമ്മ പരിചരണത്തെ കുറിച്ചുള്ള സംശയങ്ങൾക്ക് ഒരു ഡെർമറ്റോളജിസ്റ്റിൻ്റെ സഹായം തേടുന്നത് കൂടുതൽ ഗുണപ്രദമായിരിക്കും. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: തിളക്കമുള്ള ചർമ്മത്തിന് കാലങ്ങളായി ഉപയോഗത്തിലുള്ള 7 രഹസ്യക്കൂട്ടുകൾ ഇവയാണ്