മുടി കറുപ്പിക്കാൻ ഇനി 5 മിനിറ്റ് മതി, ഒരു സ്പൂൺ തേയിലപ്പൊടിയിലേയ്ക്ക് ഇവ ചേർത്ത് ഉപയോഗിക്കൂ

മുടിയുടെ പരിചരണത്തിന് പാർശ്വഫലങ്ങൾ ഇല്ലാത്ത പ്രകൃതിദത്തമാർഗങ്ങളാണ് നിങ്ങൾ തേടുന്നതെങ്കിൽ മാളൂ തൻ്റെ യൂട്യൂബ് ചാനലിലൂടെ പരിചയപ്പെുത്തുന്ന ഈ​ ഹെയർ ഡൈ ട്രൈ ചെയ്തു നോക്കൂ.

ചേരുവകൾ

വെറ്റില, വെള്ളം, തേയിലപ്പൊടി, ഹെന്നപ്പൊടി- 2 ടേബിൾസ്പൂൺ, നീലയമരി- 1 ടീസ്പൺ

തയ്യാറാക്കുന്ന വിധം

നാലോ അഞ്ചോ വെറ്റില ചെറിയ കഷ്ണങ്ങളാക്കാം. അതിലേയ്ക്ക് കുറച്ച് വെള്ളം ചേർത്ത് അരച്ചെടുക്കാം. ഒരു ബൗളിലേയ്ക്ക് രണ്ട് ടേബിൾസ്പൂൺ ഹെന്നപ്പൊടിയെടുക്കാം. അതിലേയ്ക്ക് കുറച്ച് തേയില വെള്ളം ചേർത്തിളക്കി യോജിപ്പിക്കാം. മറ്റൊരു ബൗളിലേയ്ക്ക് നീലയമരി പൊടിയെടുക്കാം. അതിലേയ്ക്ക് വെള്ളം ഒഴിച്ചിളക്കി യോജിപ്പിക്കാം. അവ രണ്ടും ഒരുമിച്ചു ചേർത്തിളക്കാം. ഇതിലേയ്ക്ക് അരച്ചെടുത്ത വെറ്റില നീര് ഒഴിച്ച് നന്നായി ഇളക്കി യോജിപ്പിക്കാം. ഇരുമ്പ് ചീനച്ചട്ടിയിലേയ്ക്ക് ഈ മിശ്രിതമെടുത്ത് 8 മണിക്കൂർ അടച്ചു മാറ്റി വയ്ക്കാം.

ഉപയോഗിക്കേണ്ട വിധം

ഒട്ടും എണ്ണ മയമില്ലാത്ത തലമുടിയിൽ തയ്യാറാക്കിയ മിശ്രിതം പുരട്ടാം. 30 മിനിറ്റിനു ശേഷം തണുത്ത വെള്ളത്തിൽ കഴുകി കളയാം.

ഇക്കാര്യങ്ങൾ ശ്രദ്ധിക്കാം

ഹെയർ ഡൈ കഴുകി കളയാൻ ഷാമ്പൂ ഉപയോഗിക്കാൻ പാടില്ല. പകരം താളി, അല്ലെങ്കിൽ തേയില വെള്ളം ഉപയോഗിച്ച് മുടി കഴുകാം.