ഒരു സ്പൂൺ വെളിച്ചെണ്ണ മതി, ഇനി നര മറയ്ക്കാൻ മറ്റൊരു ഡൈയും വേണ്ട

തലമുടി വളരെ പെട്ടെന്ന് നരച്ചോ? എങ്കിൽ പായ്ക്കറ്റ് ഡൈ വാങ്ങുന്നതിനു പകരം ട്രൈ ചെയ്യാവുന്ന ഒരു വിദ്യയുണ്ട്.

ചേരുവകൾ

വെളിച്ചെണ്ണ- 1 ടേബിൾസ്പൂൺ, കാപ്പിപ്പൊടി- 2 ടേബിൾസ്പൂൺ, മഞ്ഞൾപ്പൊടി- 2 ടേബിൾസ്പൂൺ, ചായപ്പൊടി- 1 ടേബിൾസ്പൂൺ

തയ്യാറാക്കുന്ന വിധം

അടി കട്ടിയുള്ള ഒരു പാത്രം അല്ലെങ്കിൽ ഇരുമ്പ് ചീനച്ചട്ടി അടുപ്പിൽ വച്ച് രണ്ട് ടേബിൾസ്പൂൺ മഞ്ഞൾപ്പൊടി ചേർത്തു ചൂടാക്കാം. പൊടി കറുത്ത് നിറമാകുമ്പോൾ ഒരു ടേബിൾസ്പൂൺ വെളിച്ചെണ്ണ ചേർത്തിളക്കി യോജിപ്പിക്കാം. അടുപ്പണച്ച് മാറ്റി വയ്ക്കാം. തണുത്തു തുടങ്ങുമ്പോൾ ഒരു ടേബിൾസ്പൂൺ കാപ്പിപ്പൊടി ചേർത്തിളക്കി യോജിപ്പിക്കാം. ഈ മിശ്രിതം പേസ്റ്റ് പരുവത്തിലാക്കാൻ തേയില വെള്ളം ഒഴിച്ചിളക്കാം. ഇത് മിക്സിയിലേയ്ക്കു മാറ്റി നന്നായി അരച്ചെടുക്കാം.

ഉപയോഗിക്കേണ്ട വിധം

എണ്ണ മയമില്ലാത്ത തലമുടിയിൽ വേണം ഇത് പുരട്ടാൻ. ബ്രെഷ് ഉപയോഗിച്ച് തയ്യാറാക്കിയ ഡൈ തലമുടിയിൽ പുരട്ടാം. അര മണിക്കൂറെങ്കിലും വിശ്രമിക്കാം.

ആഴ്ചയിൽ ഒരിക്കലെങ്കിലും ഇത് ഉപയോഗിക്കുന്നത് ശീലമാക്കാം. വ്യത്യാസം കണ്ടു തുടങ്ങിയാൽ മാസത്തിൽ ഒരിക്കാൽ എന്ന രീതിയിൽ പുരട്ടാം.