ഈ എണ്ണ ചെറുചൂടോടെ മുടിയിൽ പുരട്ടൂ, ഒറ്റ ഉപയോഗത്തിൽ മാറ്റം അറിയാം

അടുക്കളയിൽ എപ്പോഴും കിട്ടുന്ന ഉള്ളിക്ക് ആരോഗ്യത്തിലും തലമുടിയുടെ സംരക്ഷണത്തിലും കാര്യമുണ്ട്. നിത്യവും പാചകത്തിനായി എടുക്കുമ്പോൾ അതിനെ വില കുറച്ചു കാണേണ്ട. ഉള്ളി നീരിൽ സൾഫർ നിറഞ്ഞ സൈറ്റോകെമിക്കൽസ് അടങ്ങിയിട്ടുണ്ട്. ഉള്ളി നീരിൽ അടങ്ങിയിരിക്കുന്ന സൾഫർ തലയോട്ടിയിലേക്കുള്ള രക്തയോട്ടം വർധിപ്പിക്കുന്നു. ഇത് മുടിയുടെ വളർച്ച വർധിപ്പിക്കുന്നു. ഒപ്പം ശിരോ ചർമ്മത്തിൽ ഉണ്ടാകുന്ന താരൻ തടയുന്നു. ഇത് മുടി കൊഴിച്ചിൽ നിയന്ത്രിക്കാൻ സഹായകരമാകുന്നു. ഉള്ളി ഉപയോഗിച്ച് തലമുടിയുടെ ആരോഗ്യത്തിനായി എണ്ണ തയ്യാറാക്കാം.

ഉള്ളി തേൻ മാസ്ക്

ഒരു ഉള്ളി നന്നായി അരച്ച് നീര് പിഴിഞ്ഞെടുക്കാം. അതിലേയ്ക്ക് അര ടീസ്പൂൺ തേൻ ചേർതിളക്കി യോജിപ്പിക്കാംയ ഇത് മുടിയിൽ പുരട്ടി അരമണിക്കൂറിനു ശേഷം കഴുകി കളയാം.

ഉള്ളി ഉരുളക്കിഴങ്ങ്

ഒരു സ്പൂൺ ഉള്ളി നീരിൽ രണ്ട് സ്പൂൺ ഉരുളക്കിഴങ്ങിൻ്റെ നീര് ചേർത്തിളക്കി യോജിപ്പിക്കാം. ഇത് മുടിയിൽ പുരട്ടി 10 മിനിറ്റിനു ശേഷം തണുത്ത വെള്ളത്തിൽ കഴുകി കളയാം.

ഉള്ളി ടീട്രീ ഓയിൽ

ഉള്ളി അരച്ച് നന്നായി പിഴിഞ്ഞെടുക്കാം. ഇതിലേയ്ക്ക് വെളിച്ചെണ്ണയും ഏതാനും തുള്ളി ടീട്രീ ഓയിലും ചേർക്കാം. ഒരു പഞ്ഞി അതിൽ മുക്കി തലയിൽ പുരട്ടാം. കൈ ഉപയോഗിച്ച് മൃദുവായി മസാജ് ചെയ്യാം. കുറച്ചു സമയത്തിനു ശേഷം തണുത്ത വെള്ളത്തിൽ കഴുകി കളയാം.

ഉള്ളി എണ്ണ

ഒരു സവാള തൊലി കളഞ്ഞ് ചെറിയ കഷ്ണങ്ങളായി അരിഞ്ഞ് അരച്ചെടുക്കാം. സവാള അരച്ചതിലേയക്ക് ഉലുവ ചേർത്ത് ഒരിക്കൽ കൂടി അരയ്ക്കാം. അടി കട്ടിയുള്ള ഒരു പാൻ അടുപ്പിൽ വച്ച് വെളിച്ചെണ്ണയോ എള്ളെണ്ണയോ ചേർത്തു ചൂടാക്കാം. അതിലേയ്ക്ക് സവാള അരച്ചെടുത്തതു ചേർത്ത് നന്നായി ഇളക്കാം. ഈ മിശ്രിതം 20 മിനിറ്റ് തിളപ്പിക്കാം. ശേഷം അടുപ്പണച്ച് എണ്ണ തണുക്കാൻ വയ്ക്കാം.