സ്ക്രബർ ഉപയോഗിക്കേണ്ട, ചർമ്മം തിളക്കമുള്ളതാക്കാൻ ഈ ഒരു ബോഡി പാക്ക് മതി

മുഖം മാത്രമല്ല ശരീരത്തിലെ പല ഭാഗങ്ങളിലും ടാനേറ്റ് കരുവാളിച്ചേക്കാം. മൃതകോശങ്ങളാണ് ഈ നിറ വ്യത്യാസങ്ങൾക്കു കാരണം. അത് അകറ്റാൻ സ്ക്രബ് ഉപയോഗിക്കുന്ന ശീലം പലർക്കും ഉണ്ട്. എന്നാൽ സ്ക്രബർ ഉപയോഗിക്കാതെയും ചർമ്മത്തിലെ നിറ വ്യത്യാസം കുറയ്ക്കാം. അതിനായി ഉരുളക്കിഴങ്ങ് മതി. വിറ്റാമിൻ സി, വിറ്റാമിൻ ബി, പൊട്ടാസ്യം എന്നിവയുടെ സമ്പന്നമായ ഉറവിടമാണ് ഉരുളക്കിഴങ്ങ്. ഇത് ചർമ്മത്തിലെ നിറ വ്യത്യാസം കുറയ്ക്കാനും, ഇലാസ്തികത മെച്ചപ്പെടുത്താനും സഹായിക്കും. 

ഉരുളക്കിഴങ്ങിനൊപ്പം മറ്റ് ചില ചേരുവകളും ചർമ്മ പരിചരണത്തിനായി ഒപ്പം ചേർക്കാം. 

Also Read: ദിവസവും ഉറങ്ങുന്നതിനു മുമ്പ് മുഖത്ത് തൈര് പുരട്ടുന്നതിൻ്റെ ഗുണങ്ങൾ അറിയാമോ?

ചേരുവകൾ

• ഉരുളക്കിഴങ്ങ് ജ്യൂസ്
• കടലമാവ്
• മഞ്ഞൾപ്പൊടി
• കാപ്പിപ്പൊടി
• തൈര്

Also Read: ടാനേറ്റ് വാടില്ല, ദിവസവും പുറത്തു പോയി വന്നാൽ ഇത് ഉപയോഗിച്ച് മുഖം മസാജ് ചെയ്യൂ

തയ്യാറാക്കുന്ന വിധം

ഒരു ഉരുളക്കിഴങ്ങിൻ്റെ പകുതി തൊലി കളഞ്ഞെടുക്കാം. അത് ചെറിയ കഷ്ണങ്ങളാക്കി അരച്ചെടുക്കാം. ഇതിലേയ്ക്ക് കടലമാവ്, മഞ്ഞൾപ്പൊടി, കാപ്പിപ്പൊടി, തൈര് എന്നിവ ചേർത്ത് ഇളക്കി യോജിപ്പിക്കാം. ചർമ്മത്തിൻ്റെ പ്രകൃതം അനുസരിച്ച് ചേരുവകളിൽ മാറ്റം വരുത്താം. 

ഉപയോഗിക്കേണ്ട വിധം

ക്ലെൻസ് ചെയ്ത മുഖത്തു വേണം പുരട്ടാം. കട്ടിയുള്ള ലെയറുകളിലായി തയ്യാറാക്കിയ മിശ്രിതം മുഖത്തും ഇരുണ്ട നിറമുള്ള മറ്റ് ഭാഗങ്ങളിലും പുരട്ടാം. ഉണങ്ങിയതിനു ശേഷം കൈകൾ ഉപയോഗിച്ച് മൃദുവായി സ്ക്രബ് ചെയ്യാം. ഇത് ആഴ്ചയിൽ രണ്ട് മുതൽ മൂന്ന് തവണ വരെ ഉപയോഗിക്കാം. 

Also Read: മുഖക്കുരു മുതൽ ടാൻ വരെ അകറ്റാം, ഈ പൊടി മുഖത്ത് പുരട്ടൂ

ഗുണങ്ങൾ

• ചർമ്മത്തിലെ ടാൻ സ്വാഭാവികമായി തന്നെ നീക്കം ചെയ്യും. 
• ചർമ്മത്തിലെ നിറ വ്യത്യാസം മെച്ചപ്പെടുത്തും. 
• ഇരുണ്ട പാടുകൾ കുറയ്ക്കാൻ സഹായിക്കും.
• ചർമ്മം സോഫ്റ്റാകുന്നതിനും ഈ പാക്ക് ഗുണകരമാണ്.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: മുഖത്തെ കരുവാളിപ്പ് മാറാൻ ഇനി ബ്ലീച്ച് ചെയ്യേണ്ട, ഇതിലൊന്ന് പുരട്ടൂ