കട്ടിയും തിളക്കവുമുള്ള തലമുടി നേടാം, കുളിക്കുന്നതിനു മുമ്പ് ഇത് പുരട്ടൂ

ഒരോരുത്തർക്കും വ്യത്യസ്തമായ തലമുടിയായിരിക്കും. അവയുടെ പ്രകൃതം അറിഞ്ഞുള്ള പരിചരണം ആവശ്യമാണ്. ശിരോചർമ്മത്തിൻ്റെ ആരോഗ്യത്തിന് ഓയിൽ മസാജ് ആവശ്യമാണ്. അതിന് അനുയോജ്യമായ എണ്ണ ഏതാണ്?

റോസ്മേരി ഓയിലും വെളിച്ചെണ്ണയും ഏറെ ട്രെൻഡായിക്കൊണ്ടിരിക്കുകയാണ്. എന്നാൽ അതിലും ഫലപ്രദമായ മറ്റൊരു എണ്ണയുണ്ട്. മുന്തിരി വിത്ത് കൊണ്ടുള്ള എണ്ണയാണത്. മുടി പരിചരണത്തിന് ഗ്രേപ് സീഡ് ഓയിൽ ഉപയോഗിക്കുന്നതിൻ്റെ ഗുണങ്ങൾ എന്തൊക്കെയെന്ന് അറിയാമോ?

Also Read: ഒറ്റ ഉപയോഗത്തിൽ തലമുടി തിളക്കമുള്ളതാകും, മുറ്റത്തു നിൽക്കുന്ന ഈ പൂവ് മതി

ഗ്രേപ് സീഡ് ഓയിൽ തലമുടിക്ക് എങ്ങനെ ഗുണകരമാകും?

വളരെ കട്ടി കുറഞ്ഞ പ്രകൃതമാണ് ഗ്രേപ് സീഡ് ഓയിലിന്. അതിനാൽ തലമുടിയിൽ ഒട്ടി പിടിച്ചിരിക്കുമെന്ന പേടി വേണ്ട. വരണ്ടതും ചുരുണ്ടതുമായ തലമുടിയെ പോഷിപ്പിക്കുന്നതിന് അനുയോജ്യമാണിത്. വേരുകളിലേയ്ക്ക് ആഴ്ന്നിറങ്ങി ശിരോചർമ്മത്തിൻ്റെ ഈർപ്പം നിലനിർത്തി മുടിയുടെ ഘടന മെച്ചപ്പെടുത്താൻ ഈ ഗ്രേപ് സീഡ് ഓയിൽ സഹായിക്കും. 

ഫാറ്റി ആസിഡുകളുടെ സമ്പന്നമായ ഉറവിടാണിത്. തലമുടി ഇഴകളെ ശക്തിപ്പെടുത്തുന്ന ലിനോലെയിക് ആസിഡ് ഇതിൽ ധാരാളമുണ്ട്. ഇവ അറ്റം പൊട്ടി പിളർന്നു പോകുന്നത് തടയും. കൂടാതെ ശിരോചർമ്മത്തിലെ ഈർപ്പം നിലനിർത്തുന്നതിലൂടെ താരനെ പ്രതിരോധിച്ചു നിർത്താൻ സഹായിക്കും. ഗ്രേപ് സീഡ് ഓയിൽ ഉപയോഗിച്ച് മസാജ് ചെയ്യുന്നതിലൂടെ ശിരോചർമ്മത്തിലേയ്ക്കുള്ള രക്തചംക്രമണം മെച്ചപ്പെടും. ഇതുവഴി തലമുടി വളർച്ച ദ്രുതഗതിയിൽ നടക്കും. 

Also Read: തലമുടിയഴകിന് ചെമ്പരത്തി, ഈ ഒറ്റമൂലി ഉപയോഗിക്കൂ

ഗ്രേപ് സീഡ് ഓയിലിൽ വിറ്റാമിൻ ഇ അടങ്ങിയിട്ടുണ്ട്. ഇത് ഓക്സിഡേറ്റീവ് സമ്മർദ്ദത്തിൽ നിന്നും അന്തരീക്ഷ മലിനീകരണത്തിൽ നിന്നും തലമുടിയെ സംരക്ഷിക്കുന്നു. കരോട്ടിനോയിഡുകൾ പോളിഫെനോളുകൾ എന്നിവയുടെ ഉയർന്ന സാന്ദ്രത ഈ എണ്ണയിലുണ്ട്. ഇവയുടെ ആൻ്റി ഇൻഫ്ലമേറ്ററി ഗുണങ്ങൾ തലമുടിയെ ശക്തിപ്പെടുത്തി നിറവും തിളക്കവും വർധിപ്പിക്കും. 

Also Read: ഇനി എന്നും തലമുടി തിളക്കമുള്ളതായിരിക്കും, ഈ കണ്ടീഷ്ണർ ഉപയോഗിക്കൂ

എന്നാൽ കട്ടി കുറഞ്ഞ പ്രകൃതമായതിനാൽ അമിതമായി മുടി വരണ്ടിരിക്കുന്നവർ ഉപയോഗിക്കുന്ന അളവ് ശ്രദ്ധിക്കണം. തലമുടിയിൽ എണ്ണമയം അമിതമായുള്ളവർ വളരെ കുറഞ്ഞ അളവിൽ ഗ്രേപ് സീഡ് ഓയിൽ ഉപയോഗിക്കുക. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക

Read More: ഒരു തവണ തയ്യാറാക്കിയാൽ ഈ എണ്ണ മാസങ്ങളോളം ഉപയോഗിക്കാം, ഇനി മുടിയിഴകൾക്ക് കരുത്തു നേടാൻ മറ്റൊരു വഴി വേണ്ട