യുവത്വം തുളുമ്പുന്ന ചർമ്മം നേടാൻ ചെമ്പരത്തിപ്പൂവും, ഇത് ട്രൈ ചെയ്യൂ

കാഴ്ചയിലെ സൗന്ദര്യം കൊണ്ടു മാത്രമല്ല സുഗന്ധം കൊണ്ടും നമ്മളെ ആകർഷിക്കുന്നവയാണ് പൂക്കൾ. അവയിൽ പലതിനും ധാരാളം ഔഷധഗുണങ്ങളുണ്ട്, എന്നാൽ ചിലതാകട്ടെ അലർജി സംബന്ധമായ പ്രശ്നങ്ങൾ സൃഷ്ടിക്കാൻ സാധ്യതയുമുണ്ട്. ഔഷധഗുണങ്ങളുള്ള പൂക്കൾ ശരീരത്തിനു മാത്രമല്ല സൗന്ദര്യ സംരക്ഷണത്തിനും ഉപയോഗിക്കാം എന്ന് നിങ്ങൾക്ക് അറിയാമോ?.

Also Read: കൺപീലികളിലെ താരനാണോ പ്രശ്നം? എങ്കിൽ ഇവ ശീലമാക്കൂ

ഏറെ വർഷങ്ങൾക്കു മുമ്പ് തന്നെ പൂക്കൾ ചർമ്മ പരിപാലനത്തിൽ അംഗീകരിക്കപ്പെട്ടിരിക്കുന്നവയാണ്. ധാരാളം ആൻ്റിഓക്‌സിഡൻ്റുകളും, വിറ്റാമിനുകളും അവയിൽ അടങ്ങിയിട്ടുണ്ടാകും. മുഖക്കുരു അകറ്റി ചർമ്മത്തിൻ്റെ പ്രശ്നങ്ങൾക്ക് ശാശ്വതമായ പരിഹാരങ്ങൾ നൽകുന്ന അത്തരം പൂക്കളെ കുറിച്ച് അറിയാമോ?

Also Read: ഒരു സ്പൂൺ പാലിലേയ്ക്ക് ഇതൊരു നുള്ള് ചേർത്ത് ദിവസവും പുരട്ടൂ, ഇനി ചർമ്മം തിളങ്ങാൻ ഫേഷ്യൽ ചെയ്യേണ്ട

ചെമ്പരത്തിക്ക് ധാരാളം ആൻ്റി ഓക്സിഡൻ്റ് ഗുണങ്ങളുണ്ട്. ഫ്രീറാഡിക്കിളുകളിൽ നിന്നും ചർമ്മത്തെ സംരക്ഷിക്കാൻ അവ ഏറെ ഗുണപ്രദമാണ്. തലമുടിക്കും ചെമ്പരത്തിയുടെ ഇല മുതൽ പൂ വരെ ഉപയോഗിക്കാം.

ചേരുവകൾ

• ചെമ്പരത്തിപ്പൂവ്
• വെളിച്ചെണ്ണ
• കറ്റാർവാഴ

തയ്യാറാക്കുന്ന വിധം

ചെമ്പരത്തി ഇതളുകളിലേയ്ക്ക് കറ്റാർവാഴ ജെൽ ചേർത്ത് നന്നായി അരച്ചെടുക്കാം. അതിലേയ്ക്ക് കുറച്ച് വെളിച്ചെണ്ണ ചേർത്തിളക്കി യോജിപ്പിക്കാം. രാത്രി ഉറങ്ങാൻ കിടക്കുന്നതിനു മുമ്പായി ഇത് ചർമ്മത്തിൽ പുരട്ടാം. രാവിലെ തണുത്ത വെള്ളത്തിൽ കഴുകി കളയാം. 

Also Read: ദിവസവും രാവിലെ ഈ വെള്ളം കുടിക്കൂ, യുവത്വം തുളുമ്പുന്ന ചർമ്മം സ്വന്തമാക്കാം

ഇക്കാര്യങ്ങൾ ശ്രദ്ധിക്കാം

പാച്ച് ടെസ്റ്റ് ചെയ്തതിനു ശേഷ മാത്രം ഇത് ഉപയോഗിക്കാം. എന്തെങ്കിലും തരത്തിലുള്ള അലർജി അനുഭവപ്പെട്ടാൻ ആരോഗ്യ വിദഗ്ധരുടെ സഹായം നേടാം. ജൈവ ചേരുവകളായതിനാൽ പാർശ്വഫലങ്ങൾ കുറവായിരിക്കും വിചാരിക്കുന്ന ഫലം ലഭിക്കാൻ താമസം ഉണ്ടായേക്കും. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: ഒരു സ്പൂൺ പാലിലേയ്ക്ക് ഇതൊരു നുള്ള് ചേർത്ത് ദിവസവും പുരട്ടൂ, ഇനി ചർമ്മം തിളങ്ങാൻ ഫേഷ്യൽ ചെയ്യേണ്ട