പട്ടുപോലുള്ള തലമുടി സ്വന്തമാക്കാൻ കുളിക്കുന്നതിനു മുമ്പ് മുട്ട ഇങ്ങനെ പുരട്ടൂ

ആരോഗ്യത്തിന് ഏറെ ഗുണകരമാണ് മുട്ട. എന്നാൽ അത് സൗന്ദര്യ പരിചരണത്തിന് ഉപയോഗിക്കുമ്പോൾ മണം ഒരു വെല്ലുവിളിയാകും. എന്നാൽ അത്തരം പ്രശ്നങ്ങൾ ഒന്നും അലട്ടാതെ തന്നെ മുട്ടയുടെ വെള്ള തിളക്കമുള്ള ചർമ്മത്തിനും കരുത്തുറ്റ മുടിക്കും ഉപയോഗിക്കാവുന്നതാണ്. 

Also Read: മുടിയഴകിന് നാലിതൾ ചെമ്പരത്തി, ആഴ്ചയിൽ ഒരിക്കൽ ഇങ്ങനെ ചെയ്തു നോക്കൂ

പ്രോട്ടീനുകൾ, ധാതുക്കൾ, ബീ കോംപ്ലക്സ്, എന്നിവയാൽ സമ്പന്നമാണ് മുട്ട. ഒരു പ്രോട്ടീൻ ട്രീറ്റ്‌മെൻ്റായി അത് പ്രവർത്തിക്കും. മുട്ട കൊണ്ടുള്ള ഹെയർ-ഫെയ്സ് മാസ്കുകൾ നിങ്ങൾക്ക് ഏറെ പ്രയോജനപ്പെടും.

Also Read: ഈ വിത്ത് കുതിർത്തെടുക്കൂ, മുടിയഴകിന് ഇനി മറ്റൊന്നും വേണ്ട

കരുത്തുറ്റ തലമുടിക്ക് മുട്ട

പ്രോട്ടീൻ്റെ സമ്പന്നമായ ഉറവിടമാണ് മുട്ട. അത് വേരുകളിൽ നിന്നും തന്നെ തലമുടി കരുത്തുറ്റതാക്കുന്നു. ഇത് മുടി പൊട്ടിപ്പോകുന്നതും, ശിരോചർമ്മം വരണ്ട് താരൻ ഉണ്ടാകുന്നതും തടയും. 

മുട്ട വെളിച്ചെണ്ണ

ഒരു മുട്ടയുടെ വെള്ളയിലേയ്ക്ക് വെളിച്ചെണ്ണ ചേർത്തിളക്കി യോജിപ്പിക്കാം. ഇത് തലയോട്ടിയിലും മുടിയിലും പുരട്ടാം. 20 മിനിറ്റിനു ശേഷം വീര്യം കുറഞ്ഞ ഷാമ്പൂ ഉപയോഗിച്ച് കഴുകി കളയാം. 

Also Read: നര ഇല്ലാത്ത ഇടതൂർന്ന മുടി വേണോ? ഔഷധ ഗുണങ്ങളുള്ള ഈ ഇല വെളിച്ചെണ്ണയിൽ ചേർത്തു പുരട്ടൂ

മുട്ട പഴം

നന്നായി പഴുത്ത ഒകു പഴത്തിൻ്റ പകുതിയിലേയ്ക്ക് ഒലിവ് എണ്ണയും, മുട്ടയും വെള്ളയും ചേർത്തിളക്കി യോജിപ്പിക്കാം. ഈ മിശ്രിതം മുഖത്ത് പുരട്ടി 15 മിനിറ്റിനു ശേഷം തണുത്ത വെള്ളത്തിൽ കഴുകി കളയാം.

ഇക്കാര്യങ്ങൾ ശ്രദ്ധിക്കാം

മുട്ട നേരിട്ട് ഉപയോഗിക്കുമ്പോൾ ചിലരിൽ അലർജി ഉണ്ടാകാൻ സാധ്യതയുണ്ട്. അതിനാൽ പാച്ച് ടെസ്റ്റ് ചെയ്യാൻ മറക്കരുത്. ആദ്യ തവണ ഉപയോഗിച്ച് എന്തെങ്കിലും അസ്വസ്ഥകൾ ഉണ്ടെങ്കിൽ ഇത് ശീലമാക്കാതിരിക്കാം.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: കൊഴിഞ്ഞ മുടി അതിവേഗം വളരും, ഈ എണ്ണ ഒരു തുള്ളി മതി