പനങ്കുല പോലുള്ള തലമുടി നേടാൻ നെല്ലിക്ക കൊണ്ടുള്ള രഹസ്യക്കൂട്ട്, ആഴ്ചയിൽ ഒരു തവണ ഉപയോഗിക്കൂ

ഇരുമ്പിൻ്റെയും വിറ്റാമിൻ്റെയും സമ്പന്ന ഉറവിടമായ നെല്ലിക്ക തലമുടി വളർച്ചയ്ക്ക് ഏറെ ഗുണകരമാണെന്ന് കാലങ്ങളായി വിശ്വസിച്ചു പോരുന്നു. ഇതിൽ അടങ്ങിയിരിക്കുന്ന വിറ്റാമിൻ സിയും, ആൻ്റിഓക്സിഡൻ്റും ഹെയർ ഫോളിക്കിളുകളെ ശക്തിപ്പെടുത്തുന്നതിനൊപ്പം ശിരോചർമ്മത്തിലേയ്ക്കുള്ള രക്തയോട്ടം വർധിപ്പിക്കുന്നതിനും, നാച്യുറലായ തിളക്കം നൽകുന്നതിനും സഹായകരമാണ്. ഇത് മുടി വളർച്ചയ്ക്കുള്ള ഒരു ഉത്തമ പ്രതിവിധിയാണ്. 

നെല്ലിക്കയോടൊപ്പം പോഷക സമ്പന്നമായ മറ്റ് ചില ചേരുവകൾ കൂടി ഉൾപ്പെടുത്തി മുടി വളർച്ച മെച്ചപ്പെടുത്താം.

Also Read: 7 ദിവസം സ്ഥിരമായി ഇവ പിൻതുടരൂ, യുവത്വമുള്ള ചർമ്മം ദിവസങ്ങൾക്കുള്ളിൽ നേടാം

ചേരുവകൾ

• കറ്റാർവാഴ ജെൽ
• ഉലുവ
• ആവണക്കെണ്ണ
• സവാള
• വെളിച്ചെണ്ണ

തയ്യാറാക്കേണ്ട വിധം

നെല്ലിക്ക കുരുകളഞ്ഞ് നന്നായി അരച്ചെടുക്കാം. അത് അരിച്ചു മാറ്റി വയ്ക്കാം. ഇതിലേയ്ക്ക് സവാള നീരും, ഉലവ അരച്ചതും, ആവണക്കെണ്ണയും, വെളിച്ചെണ്ണയും ചേർത്തിളക്കി യോജിപ്പിക്കാം. 

Also Read: കിടക്കുന്നതിനു മുമ്പ് ഈ ഹെയർ സെറം പുരട്ടൂ, മുടിയഴകിന് മറ്റൊന്നും വേണ്ട

Also Read: ഹെയർമാസ്ക്കും ക്രീമും മാത്രമല്ല, മുടി കൊഴിച്ചിൽ പരിഹരിക്കാൻ ഇവ ദിവസവും കഴിക്കൂ

ഉപയോഗിക്കേണ്ട വിധം

മുടി പല ഭാഗങ്ങളായി തിരിച്ച് തയ്യാറാക്കിയ മിശ്രിതം ശിരോചർമ്മത്തിലും മുടിയിഴകളിലും പുരട്ടാം. ശേഷം 10 മിനിറ്റ് മൃദുവായി മസാജ് ചെയ്യാം. 15 മിനിറ്റു കഴിഞ്ഞ് വീര്യം കുറഞ്ഞ ഷാമ്പൂ ഉപയോഗിച്ച് കഴുകി കളയാം. 

ഗുണങ്ങൾ

കറ്റാർവാഴ ജെൽ: ശിരോചർമ്മത്തെ ഹൈഡ്രേറ്റ് ചെയ്യുന്നതിനൊപ്പം അസ്വസ്ഥതകൾ ഉണ്ടാകാതിരിക്കാൻ സഹായിക്കും. 

ഉലുവ: പ്രോട്ടീൻ്റെ സമ്പന്നമായ ഉറവിടമാണ് ഉലുവ. ഇത് വേരുകളിൽ നിന്നു തന്നെ തലമുടി കട്ടി കുറയുന്നത് പരിഹരിക്കും. 

ആവണക്കെണ്ണ: മുടിയിഴകളുടെ കട്ടി വർധിപ്പിക്കുന്നതിനൊപ്പം വേരുകളിൽ നിന്നും തന്നെ ഹൈഡ്രേറ്റ് ചെയ്തു നിർത്തുന്നു. 

സവാള നീര്: ശിരോചർമ്മത്തിലേയ്ക്കുള്ള രക്തയോട്ടം മെച്ചപ്പെടുത്തി മുടി കൊഴിച്ചിൽ കുറയ്ക്കും. 

വെളിച്ചെണ്ണ: ഈർപ്പം തടഞ്ഞു നിർത്തുന്നതിനൊപ്പം തലമുടി പൊട്ടിപോകുന്നത് തടയാനും തിളക്കവും കരുത്തും നൽകുന്നതിനും സഹായിക്കും. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: ദിവസവും ഡൈ ചെയ്ത് സമയം കളയേണ്ട, ഇത് ഒരു തവണ പുരട്ടി നോക്കൂ