തിളക്കമുള്ള തലമുടി നേടാൻ രാവിലെ ഇത് ഒരു ഗ്ലാസ് കുടിക്കുന്നത് ശീലമാക്കാം

നിങ്ങളുടെ മുടി എന്തുകൊണ്ടാണ് വരണ്ടതും, മങ്ങിയതും, ജീവനില്ലാത്തതുമായി തോന്നുന്നത് എന്ന് നിങ്ങൾ ചിന്തിച്ചിട്ടുണ്ടോ? നല്ല ഷാമ്പൂവും കണ്ടീഷണറും ഉപയോഗിക്കുമ്പോഴും മുടിക്ക് തിളക്കം ലഭിക്കുന്നില്ലെങ്കിൽ നിങ്ങളുടെ ഭക്ഷണശീലത്തൽ ചില മാറ്റങ്ങൾ കൊണ്ടുവരണം. മുടിയുടെ തിളക്കം, ബലം, വളർച്ച എന്നിവ മെച്ചപ്പെടുത്താൻ സഹായിക്കുന്ന ചില പാനീയങ്ങളുണ്ട്.

മിക്കവരും ദിവസം തുടങ്ങുന്നത് ചായ, കാപ്പി എന്നിവയിലൂടെയാണ്. എന്നാൽ, ദിവസം തുടങ്ങുമ്പോൾ നിങ്ങളുടെ ആദ്യ പാനീയം ദഹനം, ജലാംശം, പോഷകങ്ങൾ എന്നിവ ആഗിരണം ചെയ്യാനുള്ള കഴിവ്, മൊത്തത്തിലുള്ള ശരീരത്തിന്റെ സന്തുലിതാവസ്ഥ എന്നിവയെ നിർണ്ണയിക്കുന്നു. ഇവയെല്ലാം മുടിയുടെ വേരുകളെ നേരിട്ട് ബാധിക്കുന്ന ഘടകങ്ങളാണ്.

നിങ്ങളുടെ മുടിയുടെ വളർച്ചയെയും ആരോഗ്യത്തെയും പ്രോത്സാഹിപ്പിക്കുന്ന ചില പാനീയങ്ങൾ പരിചയപ്പെടാം

Also Read: ഒറ്റ ഉപയോഗത്തിൽ തലമുടി തിളക്കമുള്ളതാകും, മുറ്റത്തു നിൽക്കുന്ന ഈ പൂവ് മതി

നെല്ലിക്ക നീര് 

നെല്ലിക്ക വൈറ്റമിൻ സി-യുടെ കലവറയാണ്. ഇത് മുടിയുടെ വളർച്ചയ്ക്ക് അത്യാവശ്യമായ കൊളാജൻ ഉത്പാദനത്തെ പ്രോത്സാഹിപ്പിക്കുന്നു. മുടിയിഴകൾക്ക് ബലം നൽകുന്നു, തലയോട്ടിക്ക് ആരോഗ്യം നൽകുന്നു, അകാല നര തടയാൻ സഹായിക്കുന്നു. ഫ്രഷ് നെല്ലിക്ക വെള്ളത്തിൽ കലക്കി ജ്യൂസ് തയ്യാറാക്കി കുടിക്കാം. ഇതിൽ അൽപം തേൻ ചേർത്ത് കഴിക്കുന്നത് രുചികരവും ഗുണകരവുമാണ്.

കറ്റാർവാഴ നീര് 

കറ്റാർ വാഴയിലെ എൻസൈമുകളും അമിനോ ആസിഡുകളും ശിരോചർമ്മത്തിലെ കേടായ കോശങ്ങളെ പുനഃസ്ഥാപിക്കാൻ സഹായിക്കുന്നു. ശിരോചർമ്മത്തിലെ ചൊറിച്ചിൽ, താരൻ എന്നിവ കുറയ്ക്കുന്നു. മുടിക്ക് ഇലാസ്തികത നൽകുകയും പൊട്ടിപ്പോകുന്നത് തടയുകയും ചെയ്യുന്നു. കറ്റാർ വാഴ ജെൽ വെള്ളത്തിൽ ചേർത്ത് അൽപം ചെറുനാരങ്ങാനീരും തേനും ചേർത്ത് രാവിലെ വെറുംവയറ്റിൽ കുടിക്കാം.

Also Read: ഇനി എന്നും തലമുടി തിളക്കമുള്ളതായിരിക്കും, ഈ കണ്ടീഷ്ണർ ഉപയോഗിക്കൂ

ഉലുവ വെള്ളം

പ്രോട്ടീൻ, നിക്കോട്ടിനിക് ആസിഡ് എന്നിവയാൽ സമ്പന്നമാണ് ഉലുവ. ഇവ മുടിയിഴകൾക്ക് ബലം നൽകുന്നു. മുടിയുടെ ഷാഫ്റ്റുകൾക്ക് ശക്തി നൽകുന്നു, മുടി കൊഴിച്ചിൽ കുറയ്ക്കുന്നു, പുതിയ മുടിയുടെ വളർച്ചയെ പ്രോത്സാഹിപ്പിക്കുന്നു.  2 ടേബിൾസ്പൂൺ ഉലുവ ഒരു രാത്രി മുഴുവൻ വെള്ളത്തിൽ കുതിർത്ത് വെച്ച ശേഷം, ആ വെള്ളം പിറ്റേന്ന് രാവിലെ കുടിക്കാം.

എ.ബി.സി. ജ്യൂസ് (ആപ്പിൾ, ബീറ്റ്റൂട്ട്, ക്യാരറ്റ്)

ആപ്പിൾ, ബീറ്റ്റൂട്ട്, ക്യാരറ്റ് എന്നിവ ചേർത്തുണ്ടാക്കുന്ന എ.ബി.സി. ജ്യൂസ് പോഷകങ്ങളുടെ ഒരു മികച്ച മിശ്രിതമാണ്. വൈറ്റമിൻ എ, സി, ഇരുമ്പ് എന്നിവയാൽ സമ്പന്നമാണ്. ഇവ ശിരോചർമ്മത്തിലേയ്ക്കുള്ള രക്തയോട്ടം വർധിപ്പിക്കുകയും മുടിയുടെ വേരുകൾക്ക് ആവശ്യമായ പോഷകം നൽകുകയും ചെയ്യുന്നു.

Also Read: തലമുടിയഴകിന് ചെമ്പരത്തി, ഈ ഒറ്റമൂലി ഉപയോഗിക്കൂ

ഗ്രീൻ ടീ 

ഗ്രീൻ ടീയിൽ കാറ്റെച്ചിൻസ് പോലുള്ള ശക്തമായ ആന്റിഓക്‌സിഡന്റുകൾ അടങ്ങിയിരിക്കുന്നു. മുടി കൊഴിച്ചിലിന് കാരണമാകുന്ന ഡിഎച്ച്റ്റി എന്ന ഹോർമോണിന്റെ പ്രവർത്തനം കുറയ്ക്കാൻ സഹായിക്കുന്നു, ശിരോചർമ്മത്തിലെ വീക്കം കുറയ്ക്കുന്നു.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക

Read More: നരച്ച മുടിക്ക് വിട, വീട്ടിലിരുന്ന് പ്രകൃതിദത്തമായി തലമുടിക്ക് നിറം നൽകാൻ 5 കിടിലൻ വഴികൾ ഇതാ