Happy Valentine's Day Wishes 2025: പ്രിയപ്പെട്ടവർക്ക് പ്രണയദിനാശംസകൾ കൈമാറാം

Valentines Day Wishes: പ്രണയമെന്തെന്ന് അറിയണമെങ്കിൽ, ഒരിക്കലെങ്കിലും പ്രണയ മധുരം നുണഞ്ഞിട്ടുണ്ടാകണം. വാക്കുകൾ കൊണ്ട് പറയാനുള്ളതല്ല, മറിച്ച് അനുഭവിച്ചറിയാനുള്ളതാണ് പ്രണയം. ലോകമെമ്പാടുമുള്ള പ്രണയിതാക്കൾക്കു വേണ്ടിയുള്ള ദിനമാണ് വാലൻ്റൈൻസ് ഡേ.

എഡി 270 ൽ ഫെബ്രുവരി പകുതിയോടെ അന്തരിച്ച വിശുദ്ധ വാലൻ്റൈൻ്റെ മരണ വാർഷികത്തോടനുബന്ധിച്ചാണ് ഈ ദിനം ആഘോഷിക്കുന്നതെന്നാണ് വിശ്വാസം.

യുദ്ധ തൽപരനായിരുന്ന ക്ലോഡിയസ് രണ്ടാമൻ യുവാക്കളായ സൈനികർ വിവാഹിതരാകാൻ പാടില്ലെന്ന് നിബന്ധ കൊണ്ടു വന്നു. രാജാവറിയാതെ പുരോഹിതനായ വാലൻ്റൈൻ സിനേഹിക്കുന്നവരെ ഒരുമിപ്പിക്കാൻ രഹസ്യമായി വിവാഹങ്ങൾ നടത്തി കൊടുത്തു. ഇതറിഞ്ഞ രാജാവ് ഫെബ്രുവരി 14 ന് വാലൻ്റൈന് വധശിക്ഷ നടപ്പിലാക്കി . ഈ ദിനമാണ് വാലൻ്റൈൻസ് ഡേയായി ആഘോഷിക്കുന്നത് എന്നാണ് വിശ്വാസം.

ഒരാഴ്ച നീണ്ടു നിൽക്കുന്നതാണ് വാലന്റൈൻസ് ഡേ ആഘോഷം. വാലന്റൈൻസ് വീക്കെന്നാണ് ഫെബ്രുവരി 7 മുതൽ 14 വരെയുള്ള ദിവസങ്ങൾ അറിയപ്പെടുന്നത്. ഇതിൽ ഓരോ ദിവസവും പ്രണയിക്കുന്നവർക്ക് സ്‌പെഷ്യലാണ്.

പ്രണയിക്കുന്നവർ ഈ ദിനത്തിൽ പരസ്പരം പ്രണയദിനാശംസകൾ കൈമാറാൻ മറക്കരുത്. അടുത്തുണ്ടെങ്കിലും അകലെയാണെങ്കിലും ആശംസ കാർഡുകളിലൂടെയും കത്തുകളിലൂടെയും പ്രണയസന്ദേശങ്ങൾ പങ്കുവയ്ക്കാം.