Happy Onam 2025: ഐശ്വര്യത്തിൻ്റെയും സമൃദ്ധിയുടെയും പൊന്നോണ ആശംസകൾ നേരാം

Happy Onam Wishes 2025 Images Quotes Messages Status Wallpaper Photos:ഐശ്വര്യത്തിൻ്റെയും സമൃദ്ധിയുടെയും ഒരു പൊന്നോണ കാലം കൂടി വരവായി. ഈ വർഷം സെപ്റ്റംബർ 5നാണ് തിരുവോണം. തിരുവോണച്ചടങ്ങുകളിൽ വളരെ പ്രാധാന്യമുള്ളതാണ്‌ തൃക്കാക്കര ക്ഷേത്രത്തിൽ മഹാബലി ചക്രവർത്തിയെ വരവേൽക്കുന്നത്‌.

വാമനൻ്റെ കാൽപാദം പതിഞ്ഞ ഭൂമിയെന്ന അർത്ഥത്തിലാണ്‌ 'തൃക്കാക്കര' ഉണ്ടായതെന്നാണ് ഐതിഹ്യം. പുരാതന കേരളത്തിന്റെ ആസ്ഥാന മണ്ണിൽ വാമനപ്രതിഷ്ഠയുള്ള ഏക ക്ഷേത്രം തൃക്കാക്കരയാണ്‌.

അത്തം മുതൽ പത്ത് ദിവസത്തെ വർണാഭമായ പൂക്കളമീടിലാണ് ഓണനാളുകളിലെ ഏറ്റവും ആകർഷണം.

പൂക്കളം കഴിഞ്ഞാൽ ഏവരും സ്വപ്നം കാണുന്നത് വിഭവ സമൃദ്ധമായ സദ്യയാണ്. തറയിൽ ഇലയിട്ട് കുടുംബത്തോടും കൂട്ടുകാരോടും ഒപ്പം ഇരുന്ന് കഴിക്കുന്ന ഓണ സദ്യയ്ക്ക് വയറും മനസ്സും നിറയ്ക്കാൻ സാധിക്കും.

ഓണ സദ്യയും, പൂക്കളവും മാത്രമല്ല ആശംസകളും പ്രധാനം തന്നെയാണ്. കൂടെയില്ലാത്ത പ്രിയപ്പെട്ടവരെ ചേർത്തു നിർത്താൻ ഓണാശംസകൾ നേരാൻ മറക്കരുത്.