Kerala Piravi 2024 Wishes: മലയാള നാടിന് 68 വയസ്സ്; ഏവർക്കും കേരളപ്പിറവി ആശംസകൾ

Happy Kerala Piravi 2024, malayalam day Wishes, Images, Messages, Greetings and Quotes: കേരള സംസ്ഥാനം രൂപീകൃതമായതിന്റെ ഓർമയ്ക്കായാണ് മലയാളികൾ കേരള പിറവി ആഘോഷിക്കുന്നത്. നവംബർ ഒന്ന് കേരള പിറവി ദിനമായി ആഘോഷിക്കുന്നു. ഈ നവംബർ ഒന്നിന് മലയാള നാടിന് 68 വയസ്സ് തികയുകയാണ്.

കേരളം എന്ന പേര് ലഭിച്ചതിനു പിന്നിൽ നിരവധി ഐതിഹ്യമുണ്ട്. പരശുരാമന്‍ എറിഞ്ഞ മഴു അറബിക്കടലില്‍ വീണ സ്ഥലം കേരളമായി മാറിയെന്നാണ് ഒരു ഐതിഹ്യം. തെങ്ങുകള്‍ ധാരാളമായി കാണുന്നതുകൊണ്ടാണ് കേരളം എന്ന് പേര് ലഭിച്ചതെന്നും, ചേര രാജാക്കന്മാരുടെ അധീനതയിലായിരുന്ന ചേരളം പിന്നീട് കേരളമായി മാറുകയായിരുന്നു എന്നും പറയപ്പെടുന്നു.

ഇന്ത്യയ്ക്ക് സ്വാതന്ത്ര്യം ലഭിച്ച ശേഷം ഭാഷാടിസ്ഥാനത്തിൽ സംസ്ഥാനങ്ങൾ വിഭജിക്കണമെന്ന ശക്തമായ ആവശ്യം ഉയർന്നിരുന്നു. ഇതേത്തുടർന്ന് സ്വാതന്ത്ര്യം കിട്ടി രണ്ടു വര്‍ഷങ്ങള്‍ക്കു ശേഷം 1949ല്‍ തിരു-കൊച്ചി സംസ്ഥാനം രൂപം കൊണ്ടു. പക്ഷേ മലബാര്‍ അപ്പോഴും മദ്രാസ് പ്രസിഡന്‍സിയുടെ ഭാഗമായിരുന്നു. 1956 നവംബർ ഒന്നിന് പഴയ മലബാർ, കൊച്ചി, തിരുവിതാംകൂർ എന്നീ പ്രദേശങ്ങൾ ചേർന്ന് കേരള സംസ്ഥാനം നിലവിൽ വന്നു.

ഇന്ത്യയിലെ മറ്റു സംസ്ഥാനങ്ങളെ അപേക്ഷിച്ച് വിദ്യാഭ്യാസം, ആരോഗ്യം തുടങ്ങി പല കാര്യങ്ങളിലും കേരളം വളരെ മുന്നിലാണെന്നത് ഓരോ മലയാളിക്കും അഭിമാനിക്കാവുന്ന കാര്യമാണ്.  ലോകത്തിന്റെ വിവിധ കോണുകളിലുള്ള മലയാളികൾ കേരള പിറവി ദിനം ആഘോഷപൂർവം കൊണ്ടാടാറുണ്ട്. ഈ ദിനത്തിൽ സ്ത്രീകൾ മലയാളികളുടെ പാരമ്പര്യ വസ്ത്രമായ കസവു സാരിയും പുരുഷന്മാർ കസവു മുണ്ടും ഷർട്ടും ധരിക്കുന്നു. കേരള പിറവി ആശംസയും പരസ്പരം പങ്കുവയ്ക്കുന്നു.

എല്ലാ മലയാളികൾക്കും ഇന്ത്യൻ എക്സ്‌പ്രസ് മലയാളത്തിന്റെ കേരളപിറവി ആശംസകൾ.

Read More

• Diwali 2024: Happy Deepavali Wishes, Status, Photos: വെളിച്ചത്തിന്റെ ഉത്സവം; പ്രിയപ്പെട്ടവർക്ക് നേരാം ദീപാവലി ആശംസകൾ
• Diwali 2024: ദീപാവലി: പ്രാധാന്യം, ഐതിഹ്യം, ആഘോഷങ്ങൾ
• ദീപാവലിക്ക് പടക്കം പൊട്ടിക്കണോ, എങ്കില്‍ ഈ നിയമങ്ങൾ അറിഞ്ഞിരിക്കണം
• പാരമ്പര്യത്തോടുള്ള കാവ്യാത്മകമായ ആദരവ്; ദീപാവലി ഫോട്ടോഷൂട്ടുമായി സോനം കപൂർ