Happy Friendship Day 2025: സൗഹൃദ ദിനത്തില്‍ പ്രിയപ്പെട്ടവര്‍ക്ക് ആശംസകള്‍ കൈമാറാം

Happy Friendship Day 2025: ജീവിതത്തിൽ എല്ലാ മനുഷ്യരുടേയും ഏറ്റവും വലിയ ഭാഗ്യം ഒരു പക്ഷെ നല്ല സുഹൃത്തുക്കൾ തന്നെയായിരിക്കും. എന്തും തുറന്നു പറയാനും നമ്മളെ മനസിലാക്കാനും കഴിയുന്ന ഒരു സുഹൃത്തെങ്കിലും ഉണ്ടാകുക എന്നത് ചെറിയ കാര്യമല്ല.

എത്ര പറഞ്ഞാലും പാടിയാലും വാഴ്ത്തിയാലും സൗഹൃദം എന്ന വാക്കിന്റെ ആഴവും പരപ്പും പിന്നെയും ബാക്കിയാണ്. എല്ലാ ദിനവും സൗഹൃദത്തിന്റേതാകുമ്പോൾ ഒരു പ്രത്യേക ദിനത്തിന്റെ ആവശ്യമുണ്ടോ എന്ന് സംശയം തോന്നിയേക്കാം. അതുകൊണ്ട് എന്താണ് ഫ്രണ്ട്ഷിപ് ഡേ എന്നറിയാനുള്ള ആകാംക്ഷ എല്ലാവർക്കും ഉണ്ടാകും.

1930 ൽ ഹോൾമാർക്സ് സ്ഥാപകൻ ജോയ്സ് ഹാൾ ആണ് ഫ്രണ്ട്ഷിപ് ഡേ ആഘോഷങ്ങൾക്ക് തുടക്കമിടുന്നത്. അതിനു മുൻപ് വെറും ആശംസ കാർഡുകൾ മാത്രം അയക്കുന്നതായിരുന്നു ഈ ദിവസത്തിലെ രീതി. 

1998 ൽ യുഎൻ സെക്രട്ടറി ജനറൽ കോഫി അന്നന്റെ ഭാര്യ നാനി അന്നൻ യുഎന്നിൽ വച്ച് ബീർ വിന്നി ദി പൂവിനെ ഫ്രണ്ട്ഷിപ്പിന്റെ ഗ്ലോബൽ അംബാസിഡറായി പ്രഖ്യാപിച്ചു.

ഒപ്പം തോളോട് തോൾ ചേർത്ത് നടക്കുകയും ഏതു ഘട്ടത്തിലും നെടുതൂണായി ഒപ്പം നിൽക്കുകയും ചെയ്യുന്ന സുഹൃത്തുക്കൾ വേണ്ടി മാത്രമുളളതാണ് ഫ്രണ്ട്ഷിപ് ഡേ. അങ്ങനെയുളള സുഹൃത്തിനുവേണ്ടി ഈ ദിനം നമുക്ക് മാറ്റിവയ്ക്കാം. അവർക്കൊപ്പം ഈ ദിനം ആഘോഷിക്കാം.

ഫ്രണ്ട്ഷിപ്പ് ബാൻഡുകൾ അണിയിച്ചും, സമ്മാനങ്ങൾ കൈമാറിയും, അവർക്കു വേണ്ടി കുറച്ചു സമയ മാറ്റി വച്ചും ഈ ദിനം ആഘോഷിക്കും. ഒപ്പം ആശംസകൾ കൈമാറാനും മറക്കരുത്. 

Read More: Happy Friendship Day 2025: ഫ്രണ്ട്ഷിപ്പ് ഡേ; ചരിത്രം, പ്രാധാന്യം അറിയേണ്ടതെല്ലാം