ഉള്ളി ഒരെണ്ണം മതി, മുടി കൊഴിച്ചിൽ തടയാൻ ഇതാ ഒരു പൊടിക്കൈ

അടുക്കളയിൽ എപ്പോഴും കിട്ടുന്ന ഉള്ളിക്ക് ആരോഗ്യത്തിലും തലമുടിയുടെ സംരക്ഷണത്തിലും കാര്യമുണ്ട്. നിത്യവും പാചകത്തിനായി എടുക്കുമ്പോൾ അതിനെ വില കുറച്ചു കാണേണ്ട. ഉള്ളി നീരിൽ സൾഫർ നിറഞ്ഞ സൈറ്റോകെമിക്കൽസ് അടങ്ങിയിട്ടുണ്ട്. ഉള്ളി നീരിൽ അടങ്ങിയിരിക്കുന്ന സൾഫർ തലയോട്ടിയിലേക്കുള്ള രക്തയോട്ടം വർധിപ്പിക്കുന്നു. ഇത് മുടിയുടെ വളർച്ച വർധിപ്പിക്കുന്നു. ഒപ്പം ശിരോ ചർമ്മത്തിൽ ഉണ്ടാകുന്ന താരൻ തടയുന്നു. ഇത് മുടി കൊഴിച്ചിൽ നിയന്ത്രിക്കാൻ സഹായകരമാകുന്നു. ഉള്ളി ഉപയോഗിച്ച് തലമുടിയുടെ ആരോഗ്യത്തിനായി എണ്ണ തയ്യാറാക്കാം.

ചേരുവകൾ

സവാള-1, ഉലുവ- 2 ടേബിൾസ്പൂൺ, വെളിച്ചെണ്ണ- 200മില്ലി

ഒരു സവാള തൊലി കളഞ്ഞ് ചെറിയ കഷ്ണങ്ങളായി അരിഞ്ഞ് അരച്ചെടുക്കാം.

സവാള അരച്ചതിലേയക്ക് ഉലുവ ചേർത്ത് ഒരിക്കൽ കൂടി അരയ്ക്കാം.

അടി കട്ടിയുള്ള ഒരു പാൻ അടുപ്പിൽ വച്ച് വെളിച്ചെണ്ണയോ എള്ളെണ്ണയോ ചേർത്തു ചൂടാക്കാം.

അതിലേയ്ക്ക് സവാള അരച്ചെടുത്തതു ചേർത്ത് നന്നായി ഇളക്കാം.

ഈ മിശ്രിതം 20 മിനിറ്റ് തിളപ്പിക്കാം. ശേഷം അടുപ്പണച്ച് എണ്ണ തണുക്കാൻ വയ്ക്കാം.