മുടിയുടെ പലവിധ പ്രശ്നങ്ങൾക്കും പരിഹാരം ഈ ഹെയർമാസ്ക്

ഫ്ലാക്സ് സീഡ് അഥവ ചണവിത്ത് ആരോഗ്യത്തിനു മാത്രമല്ല തലമുടിക്കും ഗുണപ്രദമാണ്. ഇതിൽ ധാരാളം അവശ്യ ഫാറ്റി ആസിഡും, ആൻ്റി ഓക്സിഡൻ്റുകളും, നാരുകൾ അടങ്ങിയിട്ടുണ്ട്.

തലമുടിയിൽ ഈർപ്പം നിലനിർത്തി വരണ്ടു പോകുന്നതു തടയാൻ ഇത് ഗുണകരമാകുന്നു. ചണവിത്തിൽ അടങ്ങിയിരിക്കുന്ന ഒമേഗ 3 ഫാറ്റി ആസിഡുകളാണ് ജലാശം നൽകാൻ സഹായിക്കുന്നത്.

തലയോട്ടിയിലെ ചൊറിച്ചിൽ, താരൻ, വീക്കം, പാടുകൾ എന്നിവ പ്രതിരോധിച്ച് ഹെയർഫോളിക്കിളുകളെ സുഖപ്പെടുത്താനും കഴിയും.

മുടിയുടെ ചുരുളിമ അഴകോടെ നിലനിർത്താൻ​ ചണവിത്ത് സഹായിക്കും. മുടി ഇഴകൾ കെട്ടുപിണഞ്ഞു പോകുന്നത് തടയും.

ഒരു പാനിലേയ്ക്ക് അര കപ്പ് ചണവിത്തെടുക്കാം. അതിലേയ്ക്ക് രണ്ട് കപ്പ് വെള്ളം ഒഴിച്ച് ഇടത്തരം തീയിൽ തിളപ്പിക്കാം. 10 മുതൽ 15 മിനിറ്റ് വരെ അത് തിളച്ചതിനു ശേഷം ഇളക്കി കൊടുക്കാം. ചണവിത്ത് വെന്തു വരുമ്പോൾ വെള്ളത്തിന് കട്ടി കൂടും. വെള്ളം വറ്റുന്നതു വരെ ഇത് തുടരാം. ശേഷം അടുപ്പണച്ച് അത് അരിച്ചെടുക്കാം. ലഭ്യമാകുന്നത്ര ജെൽ ശേഖരിച്ച് ഫ്രിഡ്ജിൽ സൂക്ഷിച്ച് ആവശ്യാനുസരണം ഉപയോഗിക്കാം.