കരുത്തുറ്റ മുടിക്ക് കറിവേപ്പില എണ്ണ, ഇങ്ങനെ തയ്യാറാക്കൂ

വിറ്റാമിൻ സി, വിറ്റാമിൻ ബി, പ്രോട്ടീനുകൾ, ആൻ്റി ഓക്സിഡൻ്റുകൾ എന്നിവ അടങ്ങിയിരിക്കുന്ന കറിവേപ്പില ഹെയർമാസ്ക്കായും, ഹെയർ ഓയിൽ തയ്യാറാക്കിയും ഉപയോഗിക്കാം.

മുടികൊഴിച്ചിൽ, താരൻ, ചൊറിച്ചിൽ തുടങ്ങി വ്യത്യസ്ത പ്രശ്നങ്ങൾക്കുള്ള മികച്ച പ്രതിവിധിയാണ് കറിവേപ്പില.

കറിവേപ്പില ഉലുവ നെല്ലിക്കയും

രണ്ട് ടീസ്പൂൺ​ കറിവേപ്പിലയിലേയ്ക്ക് രണ്ട് ടീസ്പൂൺ ഉലുവ അരച്ചതും ഒരു നെല്ലിക്ക അരച്ചതും തൈരും ചേർത്തിളക്കി യോജിപ്പിക്കാം. ഈ മിശ്രിതം തലയോട്ടിയിലും മുടിയിലും പുരട്ടി 20 മിനിറ്റ് വിശ്രമിക്കാം. ശേഷം തണുത്തവെള്ളത്തിൽ കഴുകി കളയാം.

കറിവേപ്പില അരി ജീരകം

ഉലുവയും അരിയും ജീരകവും വെള്ളത്തിൽ ഒരു രാത്രി കുതിർത്തു വയ്ക്കാം. രാവിലെ ഇതിലേയ്ക്ക് ആവശ്യത്തിന് വെള്ളവും കറിവേപ്പിലയും ചേർത്ത് നന്നായി അരച്ചെടുക്കാം. കുറച്ച് കടുകെണ്ണ ചേർത്തിളക്കി യോജിപ്പിക്കാം. മുടിയിലേയ്ക്ക് ഈ ഹെയർമാസ്ക് പുരട്ടി 40 മിനിറ്റ് വിശ്രമിക്കാം. ആഴ്ചയിൽ രണ്ട് തവണ ഇത് ഉപയോഗിക്കുന്നത് മികച്ച ഫലം നൽകും. 40 മിനിറ്റിനു ശേഷം വീര്യം കുറഞ്ഞ ഷാമ്പൂ ഉപയോഗിച്ച് കഴുകി കളയാം. ഒപ്പം കണ്ടീഷ്ണർ ഉപയോഗിക്കാൻ മറക്കരുത്.

കറിവേപ്പില വെളിച്ചെണ്ണ

ഒരു പാത്രത്തിൽ കുറച്ച് വെളിച്ചെണ്ണയെടുത്ത് അതിൽ ഒരു പിടി കറിവേപ്പില ചേർക്കാം. ഇത് അടുപ്പിൽ വച്ചു ചൂടാക്കാം. ചെറുചൂടോടെ ഈ എണ്ണ തലയോട്ടിയിൽ പുരട്ടി മൃദുവായി മസാജ് ചെയ്യാം. 15 മിനിറ്റിനു ശേഷം കഴുകി കളയാം. ആഴ്ചയിൽ രണ്ടോ മൂന്നോ തവണ ഇത് ഉപയോഗിക്കാം.