കീടനാശിനികൾ വേണ്ട, വർഷം മുഴുവൻ വിളവ് കിട്ടാൻ പാലക് ചീര ഇങ്ങനെ കൃഷി ചെയ്യാം

Growing Palak Spinach: ഉത്തരേന്ത്യയിൽ അധികമായി കൃഷി ചെയ്തു കാണുന്ന ഒന്നാണ് പാലക് ചീര. മലയാളികളുടെ ചീരയുമായി ഏറെ സാമ്യം തോന്നുമെങ്കിലും ഇതിൻ്റെ ആകൃതിയും വലിപ്പവും ഏറെ വ്യത്യസ്തമാണ്. കേരളത്തിലെ കാലാവസ്ഥയിലും പാലക് ചീരി കൃഷി ചെയ്യാം.

പാലക് ചീരയുടെ വിത്തുകൾ പാകുന്നതാണ് നല്ലത്. വിത്തുകൾ ഒരു കോട്ടൺ തുണിയിൽ കെട്ടി രണ്ട് മണിക്കൂറെങ്കിലും വെള്ളത്തിൽ കുതിർക്കാൻ വയ്ക്കാം.

കൃഷി ചെയ്യാൻ ഉദ്ദേശിക്കുന്ന മണ്ണ് നന്നായി നനച്ച് ഇളക്കാം. അതിലേയ്ക്ക് ചാണകം വെള്ളത്തിൽ കലക്കി ചേർത്തു കൊടുക്കാം. ശേഷം വിത്ത് പാകാം.

വിത്ത് പാകി ഒരാഴ്ചയ്ക്കുള്ളിൽ മു​ളപൊട്ടി തുടങ്ങും. ഇത് മണ്ണിൻ്റെ വളക്കൂറും കാലാവസ്ഥയും അനുസരിച്ച് വ്യതാസപ്പെട്ടിരിക്കും. മുളപൊട്ടി രണ്ടാഴ്ച തൊട്ട് വളം ചെയ്തു തുടങ്ങാം. അതിനായി ചാണകവെള്ളവും, കമ്പോസ്റ്റും ഉപയോഗിക്കാം.

ഇലകളിൽ കീടബാധ ഉണ്ടാകാതിരിക്കാൻ വേപ്പിൻ പിണ്ണാക്ക് കഞ്ഞി വെള്ളത്തിൽ കലർത്തി തളിച്ചു കൊടുക്കാം. വേനൽക്കാലത്ത് രണ്ട് നേരം വെള്ളം നനച്ചു കൊടുക്കാൻ മറക്കരുത്. അധികം വെള്ളം ഇതിന് ആവശ്യമില്ല. 6 മുതൽ 10 ആഴ്ച കൊണ്ട് വിളവെടുപ്പ് സാധ്യമാണ്. | ചിത്രങ്ങൾ: ഫ്രീപിക്