എട്ടുവർഷത്തെ പ്രണയം വിവാഹത്തിലെത്തുന്നതിന്റെ സന്തോഷത്തിലാണ് നടി പ്രാചി തെഹ്‌ലാൻ. ബിസിനസുകാരനായ രോഹിത് സരോഹയാണ് പ്രാചിയുടെ വരൻ. ഇന്ന് ഡൽഹിയിൽ വെച്ചാണ് പ്രാചിയുടെ വിവാഹം. പ്രാചിയുടെ മെഹന്ദി ആഘോഷ ചിത്രങ്ങളാണ് ഇപ്പോൾ സമൂഹമാധ്യമങ്ങളുടെ ശ്രദ്ധ കവരുന്നത്. ബുധനാഴ്ച രാത്രിയാണ് മെഹന്ദി ആഘോഷങ്ങൾ നടന്നത്.

എമറാൾഡ് ഗ്രീൻ ഡ്രസ്സിൽ അതിസുന്ദരിയായാണ് പ്രാചി മെഹന്ദി ചടങ്ങിനെത്തിയത്. ഡ്രസ്സിനൊപ്പം മാച്ചിംഗ് ഡിസൈനർ മാസ്കും പ്രാചി അണിഞ്ഞിരുന്നു.

ആഗസ്ത് ഏഴിന് ഡൽഹിയിലെ ഒരു​ ഫാം ഹൗസിൽ വെച്ച് കോവിഡ് മാനദണ്ഡങ്ങൾ പാലിച്ചുകൊണ്ടാണ് വിവാഹം. 2012 മുതൽ പ്രാചിയും രോഹിതും പ്രണയത്തിലായിരുന്നെന്നാണ് റിപ്പോർട്ട്.

ഇന്ത്യൻ നെറ്റ്ബോൾ ടീമിന്റ മുൻക്യാപ്റ്റൻ കൂടിയായിരുന്നു പ്രാചി. 2010 കോമണ്‍വെല്‍ത്ത് ഗെയിംസില്‍ ഇന്ത്യന്‍ നെറ്റ് ബോള്‍ ടീമിനെ നയിച്ചത് പ്രാചിയായിരുന്നു. നിരവധി ടെലിവിഷൻ ഷോകളിലൂടെയും ശ്രദ്ധ നേടിയ പ്രാചിയുടെ ആദ്യ സിനിമ മൻദുയിപ് സിംഗ് സംവിധാനം ചെയ്ത പഞ്ചാബി ചിത്രമായ ‘അർജാൻ’ ആയിരുന്നു. പ്രാചിയെ മലയാളികൾക്ക് സുപരിചിതയാക്കിയത് ‘മാമാങ്കം’ എന്ന ചിത്രമാണ്. ചിത്രത്തിലെ ഉണ്ണിമായ എന്ന കഥാപാത്രം ഏറെ ശ്രദ്ധിക്കപ്പെട്ടിരുന്നു.

Read more: മമ്മൂക്ക, നിങ്ങൾ നല്ലൊരു മനുഷ്യനാണ്; വേദിയിൽ കരച്ചിലടക്കാനാവാതെ പ്രാചി

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook